Дар доираи маросими ҷоизасупории соҳаи кор бо ҷавонон дар соли 2025 Беҳрӯз Қаюмӣ, котиби масъули рӯзномаи “Ҷавонони Тоҷикистон” ғолиби ҷойи дуюм дар озмуни ҷумҳуриявии “Васфи ҷавонӣ” дониста шуд.

Ин чорунмин ҷозаи рӯзнома дар маросими мазкур буда, Беҳрӯз Қаюмӣ дар номинатсияи насри озмуни ҷумҳуриявии “Васфи ҷавонӣ” ғолиб омад.

Лавҳаи котиби масъули рӯзномаи “Ҷавонони Тоҷикистон” таҳти унвони “Ту ҷавон ҳастӣ...” дар васфи ҷавонию лаҳазоти ширини он эҷод шуда буд.

Тавре дар боло зикр кардем, ин чорумин ҷозаи рӯзнома ба ҳисоб рафта, қаблаз ин Шодихони Назар, сармуҳаррири рӯзнома бо Ҷоизаи “Шуҷоат ва ҷавонмардӣ”, Наҷиба Муродбекова, муҳаррири шуъбаи иқтисод ва иҷтимои рӯзномаи “Ҷавонони Тоҷикистон” бо Ҷоизаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар соҳаи рӯзноманигорӣ шуданд. Ҳамчунин, рӯзномаи барои фаъолияти густурдааш дар самти кор бо ҷавонон Беҳтарин муассисаи тарғиботӣ дар самти кор бо ҷавонон дар соли 2024 эътироф гардид.