ФАРҲАНГ
Шанбе 28 Ноябр 2020 07:05
7418
Имрӯз Давлат Назрӣ, сармуҳаррири собиқи рӯзномаи “Ҷавонони Тоҷикистон” ва ҳамакнун сафири Ҷумҳурии Тоҷикистон дар Украина барои дидорбинӣ бо ҳамкорони собиқ ба идораи рӯзнома ташриф овард.

Давлат Назрӣ, ки бо сабаби дар шаҳри Душанбе ҳузур надоштан дар ҳамоиши ҷумҳуриявии рӯзноманигорони ҷавон ва собиқадорони соҳа таҳти унвони “Гуфтугӯи ду насл”, ки аз тарафи Муассисаи давлатии рӯзномаи “Ҷавонони Тоҷикистон” бахшида ба 90-солагии рӯзнома баргузор гашта буд, ҳузур надошт, аз ин хотир дар баробари омадан аз китоби “Пири дилҷавон” пурсон шуд.

Шодихони Назар сармуҳаррири рӯзнома ба устод Давлат Назрӣ китоби “Пири дилҷавон”-ро, ки бахшида ба 90 – солагии рӯзнома нашр гардидааст, тақдим намуд.

Ҳамчунин дар баробари тақдими китоби “Пири дилҷавон” собиқ сармуҳаррири рӯзномаи “Ҷавонони Тоҷикистон” бо нашри махсуси 90-саҳифагаи рӯзнома ва барои хизматҳои шоёнаш бо сипосномаи Кумитаи кор бо ҷавонон ва варзиши назди Ҳукумати кишвар қадрдонӣ гардид.

Ёдовар мешавем, ки китоби “Пири дилҷавон” ва нашри махсуси дорои 90 саҳифа дар ҳошияи ҷашни 90 – солагии рӯзномаи “Ҷавонони Тоҷикистон” нашр гардидааст.

Эзоҳи худро нависед



Рамзҳо дар расм