Бахши кор бо занон ва оилаи ноҳияи Деваштич дар доираи чорабиниҳои ҷашни Наврӯз байни ҷавондухтарон озмуни “Кадбонуи беҳтарин”-ро ташкил намуд.

Озмуни “Кадбонуи беҳтарин” аз шартҳои муаррифӣ, ороиши дастурхони наврӯзӣ, намоиши ҳунари гулдӯзию бофандагӣ ва дигар ҳунарҳои мардумӣ иборат буд ва дар он хонандагони синфҳои 8 – 11 иштирок намуда, маҳорати кадбонугии худро нишон доданд.

Таъкид гардид, ки ҳадаф аз ташкилу гузаронидани озмун ба ҳунарҳои мардумӣ ҷалб намудани ҷавондухтарон мебошад.

Дар ҷамъбасти озмун ба иштирокчиёни фаъол туҳфаҳои хотиравӣ супорида шуд.