ФАРҲАНГ
Душанбе 17 Декабр 2018 12:20
4907
Аз 16-ум то 20-уми октябри соли равон дар шаҳри Душанбе Ҳаштумин Синамобазми Байналмилалии “Дидор” баргузор мегардад, ки интизор меравад, дар он 70 филм ба намоиш гузошта шавад.

Тавре дар иттилоияи кумитаи тадорукоти синамобазм омадааст, он ба бузургдошти синамогари барҷастаи тоҷик Тоҳир Собиров бахшида мешавад ва ба ин муносибат ба осори вай назар карда мешавад.

Ба гуфтаи дастандаркорон, ин дафъа синамобазм танҳо бо намоиши филмҳои ҳунарӣ ва тасвирӣ маҳдуд мешавад ва соли оянда баргузор шудани Синамобазми филмҳои мустанади “Дидори ростин”-дар назар аст.

Тибќи иттилои онњо аз миёни зиёда 100 филми ба унвони синамобазм воридшуда, 70 филм барои барномаҳои гуногуни он интихоб шуданд. Аз ҷумла, 9 филм барои Озмуни байналмилалии филмҳои баланд, 12 филм – барои озмуни байналмилалии филмҳои кӯтоҳ. Боқимонда – барои барномаҳои дигар тақсим шуданд. Дар филмҳои гирдоваришуда таваҷҷӯҳи хоса ба мавзӯи зан, модар бештар аст, зеро ҳамаи вазнинии ҳаводиси ҷаҳонӣ бар дӯши занону модарон аст: «Тамошобинонро бо тамоми аҳли хонавода, ройгон, ба дидани филмҳои артхауси Синамобазм, ки бори нахуст дар ҷумҳурӣ намоиш дода мешаванд, даъват менамоем».

Дар назар аст, ки расми ифтитоҳи Ҳаштумин Синамобазми Байналмилалии “Дидор” 16 октябри соли 2018 соати 18: 00 дар Театри опера ва балети ба номи Садриддин Айнӣ барпо мегардад. Намоиши филмҳо дар Маркази синамобазм, кинотеатри “Зебуниссо” доир мешавад.

Садбарги Раҳмиддин, "ҶТ"

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.