Мавзуи фаъолияти блогерон ва нашри наворҳои ғайриахлоқӣ аз ҷониби онҳо мавзуи рӯзмарра буда, хоҳ-нохоҳ баъзе муносибатҳо миёни ҷомеа талаб мекунад, ки онҳо дар доираи қонун танзим карда шаванд.

Дар ин бора Иззатулло Саидзода, директори Маркази миллии қонунгузории назди Президенти Ҷумҳурии Тоҷикистон 2 феврал хабар дод.

Ба таъкиди ӯ агар нашри чунин наворҳои блогерон танзим карда нашавад, дар таълиму тарбияи одамон таъсири манфӣ мерасонад.

“Айни замон лоиҳаи Қодекси иттилоотии Ҷумҳурии Тоҷикистон аз ҷониби Парламенти Ҷумҳурии Тоҷикистон мавриди таҳия қарор дорад. Ва аз ҷониби гурӯҳи корӣ натиҷаҳои илмӣ оид ба танзими чунин муносибатҳо барои ворид кардан ба лоиҳаи санади мазкур пешниҳод карда шудааст”, - гуфт номбурда.

Таҳмина ЮСУФӢ, “ҶТ”