ФАРҲАНГ
Сешанбе 23 Октябр 2018 11:06
4943
Ба ифтихори “Соли рушди сайёҳӣ ва ҳунарҳои мардумӣ” моҳҳои октябр-ноябри соли равон даври вилоятии Фестивал – озмуни ҷумҳуриявии телевизионии эҷодиёти халқ “Андалеб — 2018” гузаронида мешавад.

Дар ин бора қарори раиси вилояти Суғд аз 8 октябри соли 2018, №451 ба тасвиб расида, тибқи он низомнома, ҳайати кумитаи тадорукот, ҳайати ҳакамон ва ҷадвали баргузории фестивал тасдиқ карда шудааст.

Мақсад аз баргузории фестивал — озмун, намоиш додани дастовардҳои ҳунарию фарҳангии даврони соҳибистиқлолии кишвар ва ҳунарҳои мардумӣ буда, аҳли фарҳанги ҷумҳурӣ тавассути он комёбиҳои фарҳангу ҳунари ҳар як минтақаи кишварро бо тобишҳои рангини он манзури тамошобинон мегардонанд.

Фестивал аз 14 шарт, яъне намоиши ҳунарҳои мардумӣ “Бозори ҳунар”, суруди ҳамсароёни бисёровоза (хор), намоиши либосҳои миллӣ, навозиши умумӣ, хониши бадеӣ, рақс, суруд ва навозиши якка, бадеҳа ё лапар, суруди анъанавӣ ва ҳаҷвӣ, порча аз анъанаҳои мардумӣ, суруд ва ё рақси халқҳои сокини Тоҷикистон ва сюитаи овозию рақсӣ иборат мебошад.

Ба ғолибони даври вилоятии фестивал-озмун аз ҷониби мақомоти иҷроияи ҳокимияти давлатии вилоят ва ба ғолибони даври ҷамъбастии фестивал аз ҷониби муассис - Вазорати фарҳанги Ҷумҳурии Тоҷикистон диплому мукофотҳои пулӣ тақдим карда мешавад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Октябр 2018 c.