5-уми октябр дар маркази вилояти Суғд - шаҳри Хуҷанд Фестивали “Оши палав” баргузор мегардад. Дар ин бора қарори раиси вилояти Суғд Абдураҳмонӣ Қодирӣ аз 29 сентябри соли 2016, таҳти №438 ба тасвиб расид.

Фестивал дар Маҷмааи таърихӣ-фарҳангии “Қалъаи Хуҷанд” доир гардида, “Оши палави беҳтарин” бо 5000 сомонӣ, “Ошпази касбии беҳтарин” бо 3000 сомонӣ, “Ошпази беҳтарин байни муйсафедон” бо 1000 сомонӣ, “Ошпази беҳтарин байни занҳои калонсол” бо 1000 сомонӣ, “Ошпази беҳтарин байни мардон” бо 1000 сомонӣ, “Ошпази беҳтарин байни занон” бо 1000 сомонӣ, “Ошпази беҳтарин байни домодҳо” бо 1000 сомонӣ, “Ошпази беҳтарин байни арӯсон” бо 1000 сомонӣ, “Ошпази беҳтарин байни ҷавонписарон” бо 1000 сомонӣ, “Ошпази беҳтарин байни ҷавондухтарон” бо 1000 сомонӣ, “Ошхӯри беҳтарин” бо 2000 сомонӣ, “Табақи калонтарин ва зеботарини миллӣ” бо 1000 сомонӣ, “Саҳнача, намоиши фарҳангии беҳтарин” бо 1000 сомонӣ ва “Дастони моҳир” бо 1000 сомонӣ сарфароз гардонида мешаванд.