ФАРҲАНГ
Сешанбе 21 Май 2024 02:29
10154
Аз 2 то 9 апрел дар саросари мамлакат Фестивали ҷумҳуриявии “Ҳафтаи китоби кӯдакону наврасони Тоҷикистон” доир мегардад.

Дар ин бора Ҳусейн Сафарзода, директори Китобхонаи муассисаи давлатии бачагонаи ҷумҳуриявии ба номи Мирсаид Миршакар хабар дод.

Ба иттилои номбурда дар фестивали мазкур аз руйи 5 номинатсия озмун баргузор гардида, 9 апрели соли равон ғолибон муайян ва қадрдонӣ карда мешаванд.

Фестивал дар доираи озмунҳои гуногун, аз қабили озмуни шеър, достон ва оҳангҳо дар васфи Ватан-Модар, озмуни беҳтарин иншо ва дигар озмунҳо гузаронида мешаванд.

- Имрӯз Фестивали ҷумҳуриявии “Ҳафтаи китоби кӯдакону наврасони Тоҷикистон” дар Қасри фарҳанги ноҳияи Файзобод, Муассисаи таълимии миёнаи умумии № 72-и ноҳияи Сино, дар қасри фарҳанги шаҳри Роғун ва дар дигар муассисаҳои шаҳру ноҳияи кишвар баргузор гардид.-илова намуд номбурда.

Ҳадафи аз баргузории фестивали мазкур аз он аст, ки ҷалби насли наврас ба китобу китобхонӣ ва омода кардани онҳо ба озмунҳои сатҳи ҷумҳуриявӣ аз қабили “Фурӯғи субҳи доноӣ китоб аст”, такомули беҳтарин малакаҳои хониш, боз ҳам баланд бардоштани сатҳи фарҳанги иттилоотии кӯдакону наврасон, ҷавонон ва ба ин васила дар замири онҳо тарбия намудани ҳисси ифтихори миллӣ, ватандӯстӣ, гиромидошти арзишҳои милливу умумибашарӣ мебошад.

Хотиррасон мекунем, ки дар Ҷумҳурии Тоҷикистон Фестивали ҷумҳуриявии “Ҳафтаи китоби кӯдакону наврасони Тоҷикистон” 20 сол боз доир мегардад.

Наҷиба МУРОДБЕКОВА, “ҶТ”

Эзоҳи худро нависед



Рамзҳо дар расм