Филми кӯтоҳҳаҷми «Коса»-и коргардони тоҷик Муҳиддини Музаффар дар 12 –умин фестивали байналмилалии филмҳои мусалмонӣ дар Қазон иштирок мекунад.

Фестивал аз 5 то 11 сентябри соли  ҷорӣ дар шаҳри Қазони Федератсияи Россия доир мешавад ва дар он филмсозони 33 мамлакати дунё иштирок менамоянд мегӯяд,-Дилошуб Орифзода корманди Муассиаи давлатии “Суғдсинамо”.

Филми кӯтоҳмудати  "Коса" аз нахустин филмҳои Муассисаи давлатии “Суғдсинамо” ба номи Комил Ёрматов буда,  манзури тамошобинон гардидааст.

Сенарияи филм дар асоси ривоятҳои халқӣ таҳия гардида, фарогири 25 дақиқа мебошад.

Мавзӯи асосӣ дар филм оилав ва  оиладорист.  

Муаллифи филм Бахтиёр Каримов буда, нақшҳои асосиро дар ин филм ҳунарманди шинохта Ислом Саломов ва Сайёда Турсунова иҷро кардаанд.