Имрӯз, 14 январ, таҳти ин унвон бо иштироки раиси Кумитаи кор бо ҷавонон ва варзиши назди Ҳукумати кишвар Аҳтам Абдуллозода дар ҳамбастагӣ бо адибони ҷавони навқаламу эҷодкори клуби “Пайравони Пешвои миллат”-и назди Кумита маҳфили адабӣ – фарҳангӣ баргузор гардид.

Маҳфили мазкур дар толори хонамузейи Мирзо Турсунзода воқеъ дар бинои Иттифоқи нависандагони ҷумҳурӣ бахшида ба ёддошти шоири классики форсу тоҷик Камол Хуҷандӣ доир шуда, дар он ҷавонону наврасон   иштирок намуданд.

Таъкид гардид, ки мақсад аз баргузории чорабинӣ дар замири ҳар як ҷавони имрӯза бедор намудани эҳсоси баланди худшиносӣ ва муқаддас доштани мероси бузургони шеъру сухан дар мисоли эҷодиёти шоири классики форсу тоҷик Камол Хуҷандӣ мебошад.

Чорабинӣ дар сатҳи баланд доир гардида, дар он иштирокчиён аз ҳаёт ва фаъолияти Камоли Хуҷандӣ шеърҳо ва саҳначаҳои омоданамудаи худро пешкаши ҳозирин гардониданд.