Дар Муассисаи давлатии “Мактаб-интернати миёнаи махсуси мусиқии ҷумҳуриявӣ ба номи Зиёдулло Шаҳидӣ” рӯзи 4 май маросими кушодани нимпайкараи композитори маъруф Зиёдулло Шаҳидӣ баргузор гардид.

Дар чорабинии мазкур Вазири фарҳанги Ҷумҳурии Тоҷикистон Давлатзода Зулфия Давлат, раиси иттифоқи композиторони Тоҷикистон Амирбек Мусозода, фарзандону пайвандони устод Зиёдулло Шаҳидӣ, коршиносони соҳа ва дигар ҳунармандон иштирок намуданд.

Дар оғози чорабинӣ Давлатзода Зулфия Давлат, вазири фарҳанги Ҷумҳурии Тоҷикистон баромад намуда, ҳозиринро бо ин рӯзи муборак шодбош гуфт.

Сипас, раиси иттифоқи композиторони Тоҷикистон Амирбек Мусозода дар бораи шахсияти устод, асарҳои эҷодшуда, нақши асарҳои устод ва бобати шинохти ин асарҳо дар арсаи байналмилалӣ суханронӣ намуд.

Дар идомаи чорабинӣ Мунира Шаҳидӣ, духтари композитор Зиёдулло Шаҳидӣ барои ин иқдоми нек ба Вазорати фарҳанги Ҷумҳурии Тоҷикистон ва маъмурияти мактаб-интернат миннатдорӣ баён намуд.