Сулаймон Давлатзода, раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон имрӯз зимни нишасти хабарии ниҳоди зери идорааш аз бегонапарстии баъзе занону бонувон интиқод карда гуфт, ки дин меъёр ранг ё намуди либос нест, бо либосҳои миллӣ ҳам метавон меъёрҳои шаръиро риоя кард.

- Инҷо агар мақсадамон аз сатр он меъёре, ки дини мубини Ислом барои пайравонаш муайян кардааст бошад, бо ҳамин либоси миллӣ низ метавон онро ба ҷо овард, - гуфт Сулаймон Давлатзода.

Номбурда дар идома ҳамчунин қайд кард, ки як нафари эътиқодманд метавонад бо сару либоси миллӣ он меъёрҳое, ки шариат муайян кардаастро ба ҷо оварад. Зеро дини мубини Ислом ҳеҷ намуди ранг, дӯхт ё тарҳи муайяне пешкаш накардааст ва тамоми миллатҳо бо либосҳои миллии худ меъёрҳои шаръиро риоя мекунанд.