Зери ин унвон дар Боғи фарҳангӣ - фароғатии шаҳри Хоруғ бо иқдоми Раёсати кор бо ҷавонон ва варзиши ВМКБ дар ҳамкорӣ бо ташкилоти ҷамъиятии "Умедвор" аксияи тарбиявӣ - маърифатӣ баргузор гардид.

Сардори раёсат Сураҷ Чоршанбиев гуфт, ки ҳадаф аз гузаронидани чорабинӣ баланд бардоштани завқи ҷавонону наврасон нисбати китоб аст.

Таъкид гардид, ки ҷиҳати дар сатҳи зарурӣ ба роҳ мондани мутолиаи адабиётҳои гуногун дар кӯчаҳои марказии шаҳр хоначаҳои китобхонӣ кушода шуданд ва ҳамагон метавонанд аз онҳо ба таври ройгон истифода кунанд.