Бо ибтикори Муассисаи давлатии телевизиони “Сафина” дар ҳамкорӣ бо Бахши кор бо ҷавонон ва варзиши шаҳри Хоруғ дар Муассисаи давлатии “Маркази ҷавонони ВМКБ” Фестивал-озмуни телевизионии “Бӯстон–2017” баргузор шуд.

Ба иттилои Имомёрбек Имомёрбеков, мудири Бахши кор ҷавонон ва варзиш, озмун ба муносибати “Соли ҷавонон” бахшида шуда, дар он ҷавонписарону духтарон санъати рақсу мусиқӣ, намоишҳои саҳнавӣ, ҳунарҳои аҷдодӣ, ба монанди ҷӯроббофию тоқидӯзӣ, муҳрабофӣ, омода намудани савғотӣ ва ғайрарро пешкаши иштирокчиён намуда, аз ҷониби ҳакамон баҳои баланд гирифтанд.

Теъдоде аз ҷавонони бомаҳорати шаҳр аз тарафи роҳбарияти Муассисаи давлатии телевизиони “Сафина” бо ифтихорнома ва мукофот қадрдонӣ гардиданд.

Машҳур ИМОМНАЗАРОВ, “ҶТ”