ФАРҲАНГ
Шанбе 19 Сентябр 2020 04:59
1045
Бори нахуст дар ҷумҳурӣ ташкилоти ҷамъиятии байналмилалии (ТҶБ) “Истиқбол” ба муносибати 25-солагии Истиқлолияти давлатӣ, моҳи Рамазон ва 20-солагии ташкилёбиаш аксияи идона эълон намуда, 100 номгӯй китобҳои рангоранг ва хонданӣ бо теъдоди 50 ҳазор нусха пешкаши хонандагони хушзавқ гардонида шуд.

Бино ба гуфти раиси ТҶБ “Истиқбол” Латофат Кенҷаева: “Мақсад аз баргузории аксияи мазкур ба фуруши озод баровардани китобҳо мебошад. То ин муддат китобҳое, ки барои кӯдакон чоп мешуданд, мутобиқи стандартҳои байналмилалӣ набуданд. “Истиқбол” азм намуд, ки барои кӯдакон беҳтарин китобҳоро чоп намояд. Ин иқдом дар таърихи сад соли кишвар гӯем ҳам хато намешавад, бори аввал аст”. 

То имрӯз ТҶБ “Истиқбол” 250 номгӯй китобҳои хушсифату рангаи бадеии кӯдаконаро бо 8 забон бо теъдоди 1 миллиону 700 ҳазор нусха ба нашр расонидааст. Дар аксияи мазкур бошад, китобҳо 50% арзон карда шуданд.

– Ҳадаф аз панҷоҳ дарсад арзон кардани китобҳо он аст, ки мо мехоҳем,  ҳамин гуна китобҳои зебо ва бо ороиши аъло аввалан ба дасти кӯдакони мо расанд. Мо итминон дорем, ки соҳибкорони мо ин иқдомро дастгирӣ мекунанд ва худашон низ чунин иқдомро ба роҳ мемонанд. Шояд мо бишнавем, ки фалон соҳибкор дар арафаи иду ҷашнҳо молҳои худро арзон намудааст. Мо имрӯз бояд дар бой намудани маънавиёти кӯдакони хеш саҳм гузорему аз хурдсолӣ меҳри китобро дар ботинашон ҷой созем, то босавод шаванд. Ҳар як кӯдаки босавод як сутуни қасри миллати мост. Аз ин рӯ, дар ин роҳ ҳамаи аҳли ҷомеа, сар карда аз падару модар ва боғчаву мактаб то ҳар узви ҷомеа вазифадоранд. Мо имрӯз инро бояд ҷиддӣ дарк намоем. Гарчанде воситаҳои дигар мардумро аз китоб каме дур карда бошад ҳам, вале фаромӯш набояд кард, ки мардуми тоҷик аз ибтидо китобхон буданд”, - иброз дошт Латофат Кенҷаева. 

Дар миёни китобҳои ба фурӯш гузошташуда асарҳои адибони шинохтаи кишвар, ба монанди  “Аспи саманд”-и Меҳмон Бахтӣ, “Таронаи Ватан”-и Гулрухсор, “Ду овора”-и Салими Зарафшонфар, “Хотираи як муҳаббат”-и Баҳром Фирӯз ва ғайра ба назар мерасад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.