ФАРҲАНГ
Ҷумъа 29 Март 2024 08:30
14 декабр дар Театри давлатии академии опера ва балети ба номи С. Айнӣ Намоишгоҳи даҳуми байналмилалии “Китоби Душанбе” доир гардид. Дар ин чорабинии сатҳи баланд Давлатзода Зулфия Давлат, вазири фарҳанги Ҷумҳурии Тоҷикистон, Муҳаммадтақии Собирӣ, сафири фавқулода ва мухтори Ҷумҳурии Исломии Эрон дар Ҷумҳурии Тоҷикистон, намояндагони вазорату идораҳои давлатӣ, адибон, намояндаҳои ВАО, инчунин ҳаводорони илму адаб иштирок карданд.
Пас аз садо додани Суруди миллӣ Давлатзода Зулфия Давлат чорабиниро ҳусни оғоз бахшида, иброз намуд, ки китоб муҳимтарин дастоварди ҷомеаи башарӣ ба ҳисоб меравад.
- Китоб аст, ки таърихи миллатро аз наслҳо ба наслҳо интиқол медиҳад. Забони миллиро ташаккул дода, ҳифз менамояд. Афкори волои инсониро дар беҳтарин шаклу муҳтаво фаро мегирад. Одамро ба ҷойгоҳи баландтарини инсониаш мерасонад. Қавму миллатҳоро ба ҳам ошно месозад. Гузаштаро барои ояндасозӣ пеши чашмони мо ҷилвагар месозад. Аслан таърихи миллати мо бе китоб қобили тасаввур нест,-гуфт вазири фарҳанг.
Дар намоишгоҳ аз нашриётҳои мамолики хориҷа, аз ҷумла, Ҳиндустон, Беларус, Туркманистон, Қазоқистон, Озарбойҷон, Туркия, Эрон, ҳамчунин, беш аз 30 нашриёти ватанӣ 4000 номгӯ китоб пешниҳоди дӯстдорони илму адаб карда шуд.
Қобили қайд аст, ки Намоишгоҳи байналмилалии “Китоби Душанбе” соли даҳум аст, ки баргузор мегардад ва ҳадаф аз ин таҳкими робитаҳои фарҳангӣ миёни давлатҳо мебошад.
Пас аз садо додани Суруди миллӣ Давлатзода Зулфия Давлат чорабиниро ҳусни оғоз бахшида, иброз намуд, ки китоб муҳимтарин дастоварди ҷомеаи башарӣ ба ҳисоб меравад.
- Китоб аст, ки таърихи миллатро аз наслҳо ба наслҳо интиқол медиҳад. Забони миллиро ташаккул дода, ҳифз менамояд. Афкори волои инсониро дар беҳтарин шаклу муҳтаво фаро мегирад. Одамро ба ҷойгоҳи баландтарини инсониаш мерасонад. Қавму миллатҳоро ба ҳам ошно месозад. Гузаштаро барои ояндасозӣ пеши чашмони мо ҷилвагар месозад. Аслан таърихи миллати мо бе китоб қобили тасаввур нест,-гуфт вазири фарҳанг.
Дар намоишгоҳ аз нашриётҳои мамолики хориҷа, аз ҷумла, Ҳиндустон, Беларус, Туркманистон, Қазоқистон, Озарбойҷон, Туркия, Эрон, ҳамчунин, беш аз 30 нашриёти ватанӣ 4000 номгӯ китоб пешниҳоди дӯстдорони илму адаб карда шуд.
Қобили қайд аст, ки Намоишгоҳи байналмилалии “Китоби Душанбе” соли даҳум аст, ки баргузор мегардад ва ҳадаф аз ин таҳкими робитаҳои фарҳангӣ миёни давлатҳо мебошад.
Таҳмина ЮСУФӢ, “ҶТ”
Эзоҳи худро нависед