Дар толори Иттифоқи нависандагони Тоҷикистон 28 май ба ифтихори 90-солагии Шоири халқии Тоҷикистон Муъмин Қаноат маҳфили адабӣ баргузор гардид.

Дар маҳфил адибону зиёиён ва алоқамандони шеъру каломи бадеъ дар мавриди шахсият ва коркардҳои Муъмин Қаноат суханронӣ намуданд.

Зикр гардид, ки Муъмин Қаноат яке аз чеҳраҳои матраҳи фарҳангиву сиёсии Тоҷикистон ба шумор меравад.

Гуфта шуд, ӯ шоирест, ки аввалин навиштаҳояш бо дигар хусусиятҳои миллӣ фарқ мекунад. Ҷойгоҳи устод Муъмин Қаноат дар шеъри муосир чун шоири достонсаро баланд буда, дар ин масир камолоти беназир ёфтааст ва ба ҳадди устодӣ расид. “Достони оташ” ва “Мавҷҳои Днепр”, ки аз аввалин осори ҳамосии шоир маҳсуб мешаванд, дар ташаккули бештари маҳорати бадеии шоир нақши бузург бозидаанд. Осори ӯ дар тарғибу ташвиқи ғояи созандагиву бунёдкорӣ дар байни чандин насли ҷавонон хидмати босазо карданд.

Дар маҳфил ҳунармандоне чун Парда Қосим, Миралӣ Достиев, Дона Баҳром аз эҷодиёти устод Муъмин Қаноат таронаҳо сароиданд.

Ёдовар мешавем, ки Муъмин Қаноат 20 майи соли 1932 дар деҳаи Курговади ноҳияи Дарвоз ба дунё омада, 18 майи соли 2018 аз олам даргузашт.