Рӯзи 21-уми январи соли ҷорӣ дар толори хониши Муасссисаи давлатии “Китобхонаи марказонидашудаи шаҳрии ба номи А. Лоҳутӣ”, бахшида ба 55-солагии нависандаи марҳум, Аброри Зоҳир маҳфили эҷодӣ баргузор гардид.

Дар маҳфили эҷодии нависанда хонандагони муасиссаҳо, хешовандон ва дӯстони марҳум иштирок карданд.

Дар маҳфил директори Муассисаи давлатии “Китобхонаи марказонидашудаи шаҳрии ба номи А. Лоҳутӣ”, Абдуқодири Абдуқаҳҳор суханронӣ намуда, оид ба ҳаёт ва фаъолияти ин шахсияти хизматнишондодаи адабиёту санъат ба ҳозирин қиссаҳо кард.

Баъдан, хонандагон порчае аз филми "Муҷассамаи ишқ"-ро, ки аз рӯи асари марҳум Аброри Зоҳир рӯи кор омадааст, пешкаши ҳозирин гардониданд.

Ёдовар мешавем, ки Аброри Зоҳир дар сини 50-солагӣ аз олам даргузаштааст. Марҳум дар адабиёти мо ҳамчун як нависандаи сермаҳсул шинохта шуда, муаллифи беш аз 25 китоб ва 50 роман мебошад. Аброри Зоҳир дар умри кӯтоҳи худ лаҳзае аз эҷод дур набуд ва тавонист бо хуни қаламаш 70 асарро рангин намояд. Аз ҷумла повестҳои “Дуроҳа”, “Як рӯзи ҳаёт”, “Моҷарои қабр”, “Бармахида”, “Хоки фаромӯшӣ” , “Меҳмони нохонда”, “Таносух”, “Барзах”, “Ғуруби офтоб”, “Мусофири ҷодаи ишқ” ва дигарон ба ба қалами ӯ тааллуқ дорад. Инчунин аз рӯи асарҳояш филмҳои бадеию телевизионӣ ба монанди “Моҷарои рӯзи ид”, “Гумон”, “Гирдоб” “Оташи ҷанг ва парчами нанг”, “Муҷассамаи ишқ”, “Моҷарои хурд дар шаҳри калон”, “Беназир”, ”Хокпайванд”, “Чарх”, “Подош” ба навор гирифта шудааст.

Рустам ОДИНАЕВ, “ҶТ”