- Чорабинии наврӯзии ноҳияи Дарвоз бо ширкати 4100 нафар баргузор гардид, ки 400 нафари онҳоро ҳофизону ҳунармандони ҷавон ташкил медоданд – иттилоъ дод Талабшо Аламов, мудири Бахши кор бо ҷавонон ва варзиши ноҳия.

Чорабинии фарҳангӣ дар варзишгоҳи марказии "Авесто Арена" гузаронида шуда, дар он меҳмонон аз маракази ҷумҳурӣ, сайёҳони хориҷӣ, намояндагони мақомоти иҷроияи маҳаллии ҳокимияти давлатӣ, идораву муассисаҳои маҳаллӣ ва варзишгарон ҳузур доштанд.

Қисмати варзишӣ бошад аз мусобиқаи кушоди гӯштини миллӣ шурӯъ шуд ва он 2300 нафарро ба ҳам овард. Асосан дар мусобиқа паҳлавонон аз шаҳри Истравшани вилояти Суғд, ноҳияи Шамсиддини Шоҳин ва шаҳру навоҳии ВМКБ байни ҳам рақобат намуданд.

Дар бозии баскетбол панҷ дастаи ноҳия миёни ҳам сабқат карданд, аммо дар охир ғолибиятро дастаи “Қалъаи Хум” ба даст овард. Зинаи дуюм насиби тими “Зигн” шуд. Ба ғолибони ҳамаи намудҳои варзиш ифтихорнома, мукофотпулӣ ва тӯҳфаҳои арзишманд тақдим гардид.