Дар шаш моҳи гузаштаи соли 2026 муассисаҳои нашриявии Вазорати фарҳанги кишвар 79 номгӯй китоб бо теъдоди умумии 61 ҳазору 50 нусха ба табъ расонидааст. Маблағи нашр зиёда аз 1,85 миллион сомониро ташкил медиҳад.

Дар ин бора Матлубахон Сатториён, вазири фарҳанги Тоҷикистон 6 июл зимни нишасти хабарӣ иттилоъ дод.

Гуфта шуд, ки ҳамчунин дар ин давра 28 чорабинӣ марбут ба намоиш- фурӯш ва муаррифии китоб доир гардидааст. Чорабиниҳо дар муассисаҳои фарҳангии пойтахт ва шаҳрҳои Кӯлоб, Норак, Ваҳдат, ноҳияи Нуробод бо иштироки доираи васеи алоқамандону дӯстдорони китоб баргузор шудааст.

Дар идома, вазири фарҳанги кишвар гуфт, ки барои ҷой додани ҳаҷв дар чорабиниҳои давлатӣ монеа вуҷуд надорад. Танҳо саҳнаҳои пешниҳодшуда дорои мазмуни паст ва ба талабот ҷавобгӯ нестанд. 

Илова гардид, ки баъди даргузашти ҳаҷвнигорони шинохта - Убайдулло Раҷаб, Аловуддин Абдуллоев ва Бахтиёр Раҳимов фазои ҳаҷви тоҷик то андозае холӣ мондааст. Аммо мо умедворем, ки ҷавонони боистеъдод дар ин самт талош мекунанд.

С. ҚИЁМИДДИН, “ҶТ”