ФАРҲАНГ
Ҷумъа 19 Апрел 2024 08:20
Ё раҳнаварде дар масири Турсунзода
Чанде пеш ба Тоҷикистон низ ҷоизаи бонуфузи адабии “Нависандаи тиллоии ҷаҳон” ворид гардид. Оварандаи он шоир, публитсист ва тарҷумон Абдуқаҳҳори Қосим мебошад. Таъсисдиҳандагони он ташкилотҳои ҷамъиятии байналмилалии даҳ кишвари ҷаҳон - ИМА, Олмон, Англия, Фаронса, Италия, Испания, Украина, Чин, Ҳиндустон ва Ҷопон.
Бобати чӣ гуна роҳ ёфтан ба озмунҳои байналмилалӣ ва сазовор шудан ба ин мақом бо эшон суҳбат намудем.
- Кадом эҷодҳои тобандаи шумо ҷоизаи "Нависандаи тиллоии ҷаҳон"-ро тақдиматон дошт?
- Бо ҷоизаи "Нависандаи тиллоии ҷаҳон" адибони боистеъдод, номдор ва муваффақи ҷаҳон эътироф карда мешаванд, ки осори баланди маънавӣ, инсонпарварӣ, сулҳу субот, накӯкорӣ, адолату муҳаббат дошта, арзишҳои умумибашарӣ, ки халқҳоро муттаҳид месозад ва ба рушду нумӯи онҳо мусоидат мекунад, сарфароз мешаванд. Номзадҳоро академияҳо, ташкилотҳои адабии байналмилалӣ ва марказҳои аналитикии дунё пешниҳод менамоянд. Номзадии маро Академияи байналмилалии адабиёт ва фарҳанги Украина ва Олмон пешниҳод намуданд. Бо таваҷҷуҳ намудан ба ашъоре, ки маҳз мавзӯъҳои зикршударо ифода месозад, ба ин ҷоиза мушаррафам шумориданд.
- Шумо ба шумори адибони боистеъдод, номдор ва муваффақи ҷаҳон шомилед. Ба ин мақом чӣ шуморо расонид?
- Пеш аз ҳама меҳнат, садоқат ба ватан, башардӯстӣ ва муносибати хайрхоҳона ба тамоми халқу миллатҳои дунё. Боиси тазаккур аст, ки он нафаре, ки сидқан бо дилу нияти пок барои халқу миллат ва ватани худ заҳмат бикашад, ҳатман мукофоти амалашро хоҳад гирифт. Баъдан, мутаассифона дар майдони адабии муосири дунё намояндагони адабиёти имрӯзаи тоҷик қариб ки амал намекунанд. Дар бештари мамолики дунё ман ҳамчун аввалин шоири имрӯзаи тоҷик муаррифӣ мешавам. Албатта, мо шоиру нависандагоне дорем, ки дар сатҳи ҷаҳонӣ метавонанд адабиёти навини тоҷикро муаррифӣ намоянд (аз онҳое, ки дар қайди ҳаётанд), аз ҷумла устодон Кароматулло Мирзоев, Меҳмон Бахтӣ, Муҳаммад Ғойиб, Давлат Сафар, Аскар Ҳаким, Хайриддин Хайрандеш, Султонмуроди Одина, Камол Насрулло, Озарахш, Озар, Латофат Кенҷаева ва дигарон. Вале ашъори онҳоро ба забонҳои гуногуни дунё тарҷума намуда, дар ташкилотҳои байналмилалии адабии дунё муаррифӣ бояд намуд. Дар оянда ният дорам, тавассути пайванди адабии адибони дунё ин орзуро амалӣ намоям. Ман аз он хурсандам, ки тавонистам риштаи дӯстиро бо адибони муосири дунё ва ташкилотҳои гуногуни адабӣ барқарор намуда, роҳи устод Мирзо Турсунзодаро каме ҳам бошад, идома бахшам.
- Майл намудан ба мавзӯъҳои инсонпарварӣ, сулҳ ва муҳаббату адолат аз куҷост?
- Албатта, ба камина роҳи пурпечутоби Қаҳрамони Тоҷикистон, шоири зиндаёд устод Мирзо Турсунзода ва сиёсати хирадмандонаи Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон такон бахшидааст. Чунки инсонпарварӣ, сулҳу субот ва муҳаббату адолат омилҳои асосии хушбахтии инсоният мебошанд.
- Ҷоизаҳои байналмилалии адабии қаблӣ низ маҳз бо эҷоди ҳамин мавзӯъҳо ба даст омаданд ё мавзӯи иштироки шумо дар озмунҳо дар тафовут аз ҳамдигар аст?
- Ҷоизаҳои қаблӣ низ албатта ба ин мавзӯъ рабт доранд. Дар умум, иштироки фаъолона дар ҳамоишҳои байналмилалӣ, озмунҳои адабӣ, ҳамкориҳо бо адибони кишварҳои гуногун, таҳким бахшидани пайванди дӯстии адабӣ асоси муваффақиятҳо мебошад.
- Як адибро ҷоизадори озмунҳои байналмилалии адабӣ будан метавонад омили маҳбубтар гардидан бо халқи худ бошад?
- Албатта. Муаррифии забони тоҷикӣ, фарҳангу адабиёт, дастовардҳои кишвари азиз миёни халқу миллатҳои гуногун метавонад, боиси ифтихори миллӣ ва худшиносии ҳар як ватандор бошад. Аз ин лиҳоз, маҳбубияти халқ низ насиби ман гардидааст. Чунки ин дастовардҳои на танҳо як нафар, балки тамоми миллати тоҷик мебошад. Ман кори ғайриоддие накардаам. Танҳо пеш аз ҳама кӯшиш намудам, то рисолати шаҳрвандии худро иҷро намоям. Хушбахтона, ин бароям каму беш муяссар гардид.
- Ҷоизаи "Нависандаи тиллоии ҷаҳон" ба фаъолияти минбаъдаи шумо чӣ зиннат хоҳад бахшид?
- Ин ҷоизаҳо пеш аз ҳама боиси он мешаванд, ки на танҳо ба камина, балки ба тамоми миллати тоҷик ва Тоҷикистони азиз таваҷҷуҳи адибону фарҳангиёни дунё бештар мешавад. Маҳз ҳамин дастовардҳо буд, ки бахшида ба 30 - солагии Истиқлоли кишвар зиёда аз 65 адиби дунё доир ба Пешвои муаззами миллат, табиати нотакрори Тоҷикистон, мардуми меҳнатқарину бофарҳанги он мақолаҳои илмиву адабӣ ва шеърҳо навишта ба камина ирсол намуданд, ки рӯзҳои наздик бо дастгирии маънавию моддии Кумитаи марказии ҲХДТ рӯи чоп хоҳад омад.
ҲОЛНОМА
Абдуқаҳҳори Қосим. Шоир, драматург, журналист, публитсист ва ходими намоёни ҷамъиятӣ. Роҳбари бахши Иттифоқи нависандагони Тоҷикистон дар шаҳри Турсунзода. Муаллифи зиёда аз 100 суруд бо забонҳои тоҷикӣ ва русӣ ва зиёда аз 12 китоб. “Аълочии маориф ва илми Ҷумҳурии Тоҷикистон", “Аълочии фарҳанги Ҷумҳурии Тоҷикистон".
Иштирокчии фестивали адабии Авруосиёии "ЛИФФТ" 2019-Боку, 2021 Туркия, Фестивали байналмилалии шеърҳои Меделлин-Колумбия-2020, фестивали шеърҳои "Нависандагони Фестивали байналмилалии Кейп Коморин Клуб-Ҳиндустон", Форуми ҷаҳонии конгресси байналмилалии нависандагон ва санъаткорони "Ciesart" 2021 – Барселона. Ҳамоҳангсози “Ҳаракати ҷаҳонии шеър “Дунёи бедевор”, ҳамраиси Шӯрои адабии Ассамблеяи халқҳои Авруосиё, мушовири фахрии байналмилалии fowcaas "Федератсияи ҷамъияти ҷаҳонии фарҳанг ва санъат (Сингапур), академики Академияи байналмилалии адабиёти рус, иштирокчии Конфронси байналмилалии адабӣ дар Академияи адабии Покистон-2021, иштирокчии Фестивали байналмилалии адабии "Соли нав-2022" дар Португалия, инчунин фестивал ва конкурсҳои байналхалқӣ дар Хитой, Қрим, Қирғизистон.
Соҳиби ҷоизаҳои бонуфузи ҷаҳонии “Шоири барҷаста”-Чин, мукофоти ба номи В. Набоков-Русия, медали нуқраи Фестивали адабии ЛИФФТ-2019-Русия”, “Баҳодури асри 21”-Олмон (“Рицарь 21 века”), “Нависандаи тиллоии ҷаҳон”-Олмон ва ғайра.
Чанде пеш ба Тоҷикистон низ ҷоизаи бонуфузи адабии “Нависандаи тиллоии ҷаҳон” ворид гардид. Оварандаи он шоир, публитсист ва тарҷумон Абдуқаҳҳори Қосим мебошад. Таъсисдиҳандагони он ташкилотҳои ҷамъиятии байналмилалии даҳ кишвари ҷаҳон - ИМА, Олмон, Англия, Фаронса, Италия, Испания, Украина, Чин, Ҳиндустон ва Ҷопон.
Бобати чӣ гуна роҳ ёфтан ба озмунҳои байналмилалӣ ва сазовор шудан ба ин мақом бо эшон суҳбат намудем.
- Кадом эҷодҳои тобандаи шумо ҷоизаи "Нависандаи тиллоии ҷаҳон"-ро тақдиматон дошт?
- Бо ҷоизаи "Нависандаи тиллоии ҷаҳон" адибони боистеъдод, номдор ва муваффақи ҷаҳон эътироф карда мешаванд, ки осори баланди маънавӣ, инсонпарварӣ, сулҳу субот, накӯкорӣ, адолату муҳаббат дошта, арзишҳои умумибашарӣ, ки халқҳоро муттаҳид месозад ва ба рушду нумӯи онҳо мусоидат мекунад, сарфароз мешаванд. Номзадҳоро академияҳо, ташкилотҳои адабии байналмилалӣ ва марказҳои аналитикии дунё пешниҳод менамоянд. Номзадии маро Академияи байналмилалии адабиёт ва фарҳанги Украина ва Олмон пешниҳод намуданд. Бо таваҷҷуҳ намудан ба ашъоре, ки маҳз мавзӯъҳои зикршударо ифода месозад, ба ин ҷоиза мушаррафам шумориданд.
- Шумо ба шумори адибони боистеъдод, номдор ва муваффақи ҷаҳон шомилед. Ба ин мақом чӣ шуморо расонид?
- Пеш аз ҳама меҳнат, садоқат ба ватан, башардӯстӣ ва муносибати хайрхоҳона ба тамоми халқу миллатҳои дунё. Боиси тазаккур аст, ки он нафаре, ки сидқан бо дилу нияти пок барои халқу миллат ва ватани худ заҳмат бикашад, ҳатман мукофоти амалашро хоҳад гирифт. Баъдан, мутаассифона дар майдони адабии муосири дунё намояндагони адабиёти имрӯзаи тоҷик қариб ки амал намекунанд. Дар бештари мамолики дунё ман ҳамчун аввалин шоири имрӯзаи тоҷик муаррифӣ мешавам. Албатта, мо шоиру нависандагоне дорем, ки дар сатҳи ҷаҳонӣ метавонанд адабиёти навини тоҷикро муаррифӣ намоянд (аз онҳое, ки дар қайди ҳаётанд), аз ҷумла устодон Кароматулло Мирзоев, Меҳмон Бахтӣ, Муҳаммад Ғойиб, Давлат Сафар, Аскар Ҳаким, Хайриддин Хайрандеш, Султонмуроди Одина, Камол Насрулло, Озарахш, Озар, Латофат Кенҷаева ва дигарон. Вале ашъори онҳоро ба забонҳои гуногуни дунё тарҷума намуда, дар ташкилотҳои байналмилалии адабии дунё муаррифӣ бояд намуд. Дар оянда ният дорам, тавассути пайванди адабии адибони дунё ин орзуро амалӣ намоям. Ман аз он хурсандам, ки тавонистам риштаи дӯстиро бо адибони муосири дунё ва ташкилотҳои гуногуни адабӣ барқарор намуда, роҳи устод Мирзо Турсунзодаро каме ҳам бошад, идома бахшам.
- Майл намудан ба мавзӯъҳои инсонпарварӣ, сулҳ ва муҳаббату адолат аз куҷост?
- Албатта, ба камина роҳи пурпечутоби Қаҳрамони Тоҷикистон, шоири зиндаёд устод Мирзо Турсунзода ва сиёсати хирадмандонаи Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон такон бахшидааст. Чунки инсонпарварӣ, сулҳу субот ва муҳаббату адолат омилҳои асосии хушбахтии инсоният мебошанд.
- Ҷоизаҳои байналмилалии адабии қаблӣ низ маҳз бо эҷоди ҳамин мавзӯъҳо ба даст омаданд ё мавзӯи иштироки шумо дар озмунҳо дар тафовут аз ҳамдигар аст?
- Ҷоизаҳои қаблӣ низ албатта ба ин мавзӯъ рабт доранд. Дар умум, иштироки фаъолона дар ҳамоишҳои байналмилалӣ, озмунҳои адабӣ, ҳамкориҳо бо адибони кишварҳои гуногун, таҳким бахшидани пайванди дӯстии адабӣ асоси муваффақиятҳо мебошад.
- Як адибро ҷоизадори озмунҳои байналмилалии адабӣ будан метавонад омили маҳбубтар гардидан бо халқи худ бошад?
- Албатта. Муаррифии забони тоҷикӣ, фарҳангу адабиёт, дастовардҳои кишвари азиз миёни халқу миллатҳои гуногун метавонад, боиси ифтихори миллӣ ва худшиносии ҳар як ватандор бошад. Аз ин лиҳоз, маҳбубияти халқ низ насиби ман гардидааст. Чунки ин дастовардҳои на танҳо як нафар, балки тамоми миллати тоҷик мебошад. Ман кори ғайриоддие накардаам. Танҳо пеш аз ҳама кӯшиш намудам, то рисолати шаҳрвандии худро иҷро намоям. Хушбахтона, ин бароям каму беш муяссар гардид.
- Ҷоизаи "Нависандаи тиллоии ҷаҳон" ба фаъолияти минбаъдаи шумо чӣ зиннат хоҳад бахшид?
- Ин ҷоизаҳо пеш аз ҳама боиси он мешаванд, ки на танҳо ба камина, балки ба тамоми миллати тоҷик ва Тоҷикистони азиз таваҷҷуҳи адибону фарҳангиёни дунё бештар мешавад. Маҳз ҳамин дастовардҳо буд, ки бахшида ба 30 - солагии Истиқлоли кишвар зиёда аз 65 адиби дунё доир ба Пешвои муаззами миллат, табиати нотакрори Тоҷикистон, мардуми меҳнатқарину бофарҳанги он мақолаҳои илмиву адабӣ ва шеърҳо навишта ба камина ирсол намуданд, ки рӯзҳои наздик бо дастгирии маънавию моддии Кумитаи марказии ҲХДТ рӯи чоп хоҳад омад.
ҲОЛНОМА
Абдуқаҳҳори Қосим. Шоир, драматург, журналист, публитсист ва ходими намоёни ҷамъиятӣ. Роҳбари бахши Иттифоқи нависандагони Тоҷикистон дар шаҳри Турсунзода. Муаллифи зиёда аз 100 суруд бо забонҳои тоҷикӣ ва русӣ ва зиёда аз 12 китоб. “Аълочии маориф ва илми Ҷумҳурии Тоҷикистон", “Аълочии фарҳанги Ҷумҳурии Тоҷикистон".
Иштирокчии фестивали адабии Авруосиёии "ЛИФФТ" 2019-Боку, 2021 Туркия, Фестивали байналмилалии шеърҳои Меделлин-Колумбия-2020, фестивали шеърҳои "Нависандагони Фестивали байналмилалии Кейп Коморин Клуб-Ҳиндустон", Форуми ҷаҳонии конгресси байналмилалии нависандагон ва санъаткорони "Ciesart" 2021 – Барселона. Ҳамоҳангсози “Ҳаракати ҷаҳонии шеър “Дунёи бедевор”, ҳамраиси Шӯрои адабии Ассамблеяи халқҳои Авруосиё, мушовири фахрии байналмилалии fowcaas "Федератсияи ҷамъияти ҷаҳонии фарҳанг ва санъат (Сингапур), академики Академияи байналмилалии адабиёти рус, иштирокчии Конфронси байналмилалии адабӣ дар Академияи адабии Покистон-2021, иштирокчии Фестивали байналмилалии адабии "Соли нав-2022" дар Португалия, инчунин фестивал ва конкурсҳои байналхалқӣ дар Хитой, Қрим, Қирғизистон.
Соҳиби ҷоизаҳои бонуфузи ҷаҳонии “Шоири барҷаста”-Чин, мукофоти ба номи В. Набоков-Русия, медали нуқраи Фестивали адабии ЛИФФТ-2019-Русия”, “Баҳодури асри 21”-Олмон (“Рицарь 21 века”), “Нависандаи тиллоии ҷаҳон”-Олмон ва ғайра.
Хабарҳои дигар
Рӯзнома
Эзоҳи худро нависед