Дар ноҳияи Қубодиён бо ташаббуси Шӯрои кор бо ҷавонон ва варзиши вилояти Хатлон чорабинии Наврӯзи ҷавонони вилоят - 2019 таҳти унвони “Наврӯз зебу зиннати Тоҷикистон!” доир гардид.

Дар саҳни қасри фарҳанги ноҳия меҳмонон аз ҳунарҳои халқӣ, ҳунарҳои дастии ҷавонони эҷодкори ноҳия ва намоиши бозиҳои варзишии варзишгарони ноҳия дидан намуданд.

Зимни баргузории чорабинӣ ба 10 нафар ҷавонони маъюби ноҳия аз ҷониби раиси ноҳия ва намояндаи Раёсати кор бо ҷавонон ва варзиши вилояти Хатлон кӯмаки молиявии яквақтаина ба маблағи 2000 сомонӣ расонида шуд.

Ҳамзамон Фестивали бозиҳои миллии варзишӣ бахшида ба эълон гардидани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” аз рӯи 6 намуди варзиш-бандкашӣ, гӯштини миллӣ, дастхобонӣ, сангбардорӣ ва шоҳмот дар ноҳия ҷамъбаст карда шуд.