ФАРҲАНГ
Душанбе 29 Ноябр 2021 07:02
754
Бо ташаббуси Вазорати фарҳанг ва Китобхонаи давлатии бачагонаи ба номи Мирсаид Миршакар, имрӯз - 2-юми апрел, Фестевали ҷумҳуриявии «Ҳафтаи китоби кӯдакону наврасони Тоҷикистон» оғоз гардид, ки то 9 апрел идома меёбад.

Дар фестивал намоиши дастранҷи хонандагони мактабу литсейҳои шаҳри Душанбе, намоиши китобу маҷаллаҳои тозанашр, ҳунарнамоии ҳунарпешаҳои театр ва ғайраҳо ба дӯстдорони китоб намоиш дода шуд.

Вазири фарҳанги кишвар Шамсиддин Орумбекзода иштирокдоронро табрик гуфта, мақсад аз баргузории фестивалро ҷалби бештари кӯдакону наврасон ба китобу китобхонӣ ва дар замири нозуки онҳо бедор намудани ҳисси ватандӯстию хештаншиносӣ, посу муқаддас нигоҳ доштани обу хоки аҷдодӣ унвон кард.

Ҳафтаи китоби кӯдакон ва наврасон як навъ тарғиби адабиёт маҳсуб ёфта, дар солҳои Иттиҳоди Шӯравӣ ба як қолаби муайян даромад. Дар солҳои шӯравӣ бо номҳои «Рӯзҳои китоб», «Ҳафтаи китобҳо», «Музоядаи китобхона» маълум буданд. Дар солҳои Ҷанги Бузурги Ватанӣ (соли 1944) бо ташаббуси нависандаи рус Лев Кассил «Ҳафтаи китоби кӯдакон» ба ҳукми анъана даромад. Аз солҳои 50-ум «Ҳафтаи умумииттифоқии китоби кӯдакон ва наврасон” дар рӯзҳои таътили баҳории мактаббачагон ташкил карда мешуданд.

Пас аз пош хурдани Иттиҳоди Шӯравӣ ин чорабинӣ ба гӯшаи фаромӯшӣ рафта буд. Хушбахтона, ин анъанаи нек бо ташаббуси шоири маҳбуби кӯдакону наврасон Наримон Бақозода ва дастгирии молиявии кормандони Китобхонаи бачагона эҳё гардида, баъдтар бо ибтикори КДБҶ ва Вазорати фарҳанг ба Нақшаи чорабиниҳои «Барномаҳои рушди фарҳанги Ҷумҳурии Тоҷикистон барои солҳои 2008-2015», ки бо қарори Ҳукумати ҷумҳурӣ, аз 3 марти соли 2007, таҳти №85 тасдиқ гардидааст, ворид карда шуд, ки ҳар сол таҳти унвони Фестевали ҷумҳуриявии «Ҳафтаи китоби кӯдакону наврасони Тоҷикистон» рӯзҳои 2-9 апрел дар рӯзи байналмилалии китоби кӯдакон дар миқёси ҷумҳурӣ доир мегардад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Ноябр 2021 c.