ФАРҲАНГ
Душанбе 21 Май 2018 03:57
4332
Дирӯз рӯзҳои фарҳангии вилояти Мухтори Кӯҳистони Бадахшон дар вилояти Хатлон оғоз гардид.

Баъд аз нисфирӯзӣ дар мавзеи Шоҳони ноҳияи Шамсиддин Шоҳин 500 нафар аҳли фарҳангу зиёи вилояти Мухтори Кӯҳистони Бадахшонро намояндагони вилояти Хатлон бо сарварии Махфират Хидирзода бо нону намак ва рақсу суруд истиқбол гирифтанд.

Дар доираи рӯзҳои фарҳангии мазкур меҳмонон ба 5 гурӯҳ ҷудо шуда, ба шаҳру ноҳияҳои вилоят ба сафар баромаданд. Аз мавзеи Шоҳон то шаҳри Кӯлоб сокинони ноҳияҳои Шамсиддин Шоҳин, Муъминобод ва Кӯлоб ба ду канори шоҳроҳи Кӯлоб-Дарвоз баромада, меҳмононро бо чеҳраҳои болидаю дастафшониҳо хайрамақдам гуфтанд.

Ҳамин тариқ, гурӯҳи якум, ки мансуби шаҳри Хоруғ буд, ба шаҳри Кӯлоб, намояндагони ноҳияҳои Шуғнону Ванҷ ва Мурғоб ба ноҳияи Данғара, меҳмонони ноҳияҳои Роштқалъаю Рӯшон ба ноҳияи Вахш, аҳли фарҳанги ноҳияҳои Дарвозу Ишкошим ба шаҳри Норак ва намояндагони гурӯҳи марказӣ ба шаҳри Бохтар раҳсипор шуда, онҳоро дар даромадгоҳҳои шаҳру ноҳияҳои мазкур ба таври хоса пешвоз гирифтанд.

Дар даромадгоҳи шаҳри Кӯлоб фарҳангиёни шаҳри Хоруғро гурӯҳи калони фаъолону санъаткорон истиқбол намуда, меҳмононро ба тамошои намоиши “Баҳори Ваҳдат” ба театри вилоятии ба номи С.Вализода даъват намуданд.

Ёдовар мешавем, ки роҳандозӣ намудани иқдоми мазкур дар кишвар бори аввал буда, рӯзҳои фарҳангии вилояти Мухтори Кӯҳистони Бадахшон дар вилояти Хатлон тӯли се рӯз, аз 10 то 12-уми моҳи май идома меёбад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Май 2018 c.