Шоми 19 октябр дар Театри давлатии академии опера ва балети ба номи С. Айнӣ маросими ҷамъбастии Синамоҷашнвораи якуми байналмилалии Душанбе "Тоҷи Сомон" таҳти шиори “Таърихи рушди тоҷикон” баргузор гардид.

Дар маросими ҷамъбастии синамоҷашнвораи мазкур муовини раиси шаҳри Душанбе, Одилзода Дилбар Раҳим, директори МД “Тоҷикфилм” Маҳмадсаид Шоҳиён, коргардону ҳунармандони хориҷӣ, намояндагони ВАО, мухлисони бешумори синамо иштирок намуданд.

Дар синамоҷашнвораи байналмилалии Душанбе “Тоҷи Сомон” ҷоизаҳо ба таври зайл эълон ва супорида шуданд:

Ҷоизаи махсуси раиси шаҳри Душанбе "Барои саҳми муносиб дар рушди киноматографияи тоҷик":

- ба Сайрам Исоева, Ҳунарпешаи халқии Тоҷикистон.

Ҷоизаи "Беҳтарин филми ҳунарии кӯтоҳ":

- ба филми "Додараки фариштаҳо"- и коргардон Умедшо Мирзоширинов (Тоҷикистон).

Ҷоизаи "Таваҷҷуҳи тамошобин”:

- ба филми "Тулӯи инқилоб" - и коргардон С.С Раҷамули "Ҳиндустон".

Ҷоизаи "Махсуси ҳакамон":

- ба филми "Узбекдухтар" - и коргардон Акбар Бектурдиев (Узбекистон).

Ҷоизаи "Беҳтарин нақши занона":

- ба Айсанам Юсупова дар филми "Узбекдухтар" (Узбекистон).

Ҷоизаи "Беҳтарин нақши мардона":

- ба Абдулмуъмин Шарифӣ ва Салоҳиддин Шукурзода дар филми "Дов" (Тоҷикистон).

Ҷоизаи "Беҳтарин наворбардор":

- ба Сао Юй филми “Риштаи умр” аз Ҷумҳурии Мардумии Чин.

Ҷоизаи "Беҳтарин коргардон":

- ба Татяна Колганова, бо филми "Аломати хушбахтии деромада" (Россия);
- ба Маҳдӣ Фард Қодирӣ бо филми "Озурдагон" (Эрон).

Шоҳҷоиза “Барои беҳтарин филми ҳунарӣ”:

- ба филми “Роҳ”-и коргардони тоҷик Носир Саид дода шуд.

Лозим ба зикр аст, ки Синамоҷашнвораи байналмилалии Душанбе “Тоҷии Сомон” бори аввал аст, ки дар Тоҷикистон доир мегардад ва дар нахустин баргузории он меҳмонон аз давлатҳои Русия, Узбекистон, Ҳиндустон, Покистон, Қазоқистон, Туркия ва дигар давлатҳо иштирок намуданд.