Ба ифтихори Рӯзи забони давлатӣ бо ибтикори Бахши кор бо ҷавонон ва варзиши ноҳияи Роштқалъа озмуни “Суханвари беҳтарин” гузаронида шуд.

Тавре аз бахш иттилоъ доданд, озмун дар доираи "Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2019 - 2021" гузашта, дар он зиёда аз 18 нафар ҷавонону толибилмони синфҳои болоии МТМУ – и ноҳия иштироку баромад намуданд.

Ҳадаф аз баргузории озмун тақвияти маҳорати суханварию барандагии иштирокчиён арзёбӣ шуда, дар он Назмия Абдулалишоева, хонандаи МТМУ № 26 ҷойи якумро ишғол намуд ва Майина Меҳрабонова, омӯзгори ҷавони МТМУ №29, Бегим Маҳбатшоева, корманди моҳвораи “Шоҳдара” зинаҳои дуюму сеюм гирифтанд.

Ғолибонро мудири бахш Зуҳро Муллоҳикматова бо ифтихорномаи фахрӣ ва тӯҳфаҳои гуногун мушарраф намуд.