2 март дар Донишгоҳи давлатии тиҷорати Тоҷикистон бахшида ба Рӯзи модарон озмуни шеъру суруд таҳти унвони “Шеъру таронахонӣ дар васфи баҳор, модар, ҳаёт ва ишқ” баргузор гардид.

Дар он донишҷӯён аз донишгоҳу донишкадаҳои шаҳри Душанбе ширкат варзида, шеъру таронаҳо қироат намуданд.

Озмуни мазкур бо ташабуси Кумитаи ҷавонон, варзиш ва сайёҳии назди ҳукумати ҷумҳурӣ доир гардид. Меҳмонон, ки аз донишгоҳу донишкадаҳо ташриф оварданд ба маҳорати шеърхонии донишҷӯён баҳои баланд доданд.