Имрӯз дар доираи супоришҳои Пешвои миллат муҳтарам Эмомалӣ Раҳмон оид ба ташкил намудани китобхонаҳо дар назди рӯзномаи “Халқ овози” китобхона бо номи “Дӯстӣ” ба фаъолият оғоз намуд.

Дар маросими ифтитоҳи китобхона Зинатулло Исмоилзода, раиси Иттифоқи журналистони Тоҷикистон ва сармуҳаррирони якчанд рӯзномаҳо иштирок намуда, ба иқдоми рӯзномаи “Халқ овози” баҳои баланд доданд.

Аз ҷумла, Шодихони Назар, сармуҳаррири рӯзномаи “Ҷавонони Тоҷикистон”, ки дар чорабинии мазкур иштирок намуд, барои китобхонаи мазкур ба сармуҳаррири рӯзномаи “Халқ овози” Ёқубҷон Абдуманонзода китоби “Пири дилҷавон”-ро, ки ба таърихи 90-солаи рӯзномаи “Ҷавонони Тоҷикистон” бахшида шудааст, тақдим намуд.
  
Зимни муаррифии китобхона таъкид гардид, ки он дорои се ҳазор адад китоб буда, он китобҳои тоҷикиву ӯзбекиро дар бар мегирад.



Исфандиёр АМАКҶОНОВ, коромӯзи “ҶТ”