20-уми август дар ноҳияи Рӯдакӣ бо ташаббуси Бахши кор бо ҷавонон ва варзиши ноҳия ва филиали ташкилоти ҷамъиятии “Пайравони Пешвои миллат” зери унвони “биёед китоб хонем” маҳфили китобхонӣ доир гардид.

Дар ин бора Бахши кор бо ҷавонон ва варзиши ноҳия хабар медиҳад.

Зимни гузаронидани аксия гуфта шуд, ки тоҷиконро дар ҳама давру замон бо фарҳанги воло ва таърихи пурғановаташон мешинохтанду мешиносанд. Ба василаи осори баландмазмуни адибу донишмандони бузургамон халқи тоҷик ба дигар қавму миллатҳо муаррифӣ гашт.

Иқдоми мазкур бо мақсади ҷалби ҷавонон ба китоб ва китобхона, ҳамзамон ба таври васеъ тарғибу ташвиқи китобхонӣ миёни сокинон, бахусус наврасону ҷавонон ба роҳ монда шуда, он ҳафтае як маротиба аз ҷониби аъзоёни маҳфил баргузор карда мешавад.

Яҳё МАҲМАДНАБИЕВ, “ҶТ”