25 сентябри соли равон дар хиёбони Исмоили Сомонии шаҳри Қӯрғонтеппа ифтитоҳи ботантанаи Рӯзҳои фарҳанги Федератсияи Русия дар вилояти Хатлон баргузор гардид.

Меҳмононро дар дар маркази шаҳр — назди қалъаи Бибихонуми шаҳри Қӯрғонтеппа Махфират Хидирзода, муовини раиси вилояти Хатлон, Шоиста Сангинова муовини раиси шаҳри Қӯрғонтеппа ва сокинони шаҳр пешвоз гирифтанд.

Вазири фарҳанги Федератсияи Русия Сергей Абривалин иброз дошт, ки: “Аз истиқболи самимии мардуми шаҳри Қӯрғонтеппа ниҳоят шодем. Ин иқдом ба хотири боз ҳам мустаҳкам гардидани муносибатҳои ду кишвари ба ҳам дӯст хоҳанд гардид”.

Махфират Хидирзода, меҳмононро хайрамақдам намуда, гуфт, ки: “Мо умед дорем, ки рӯзҳои фарҳангӣ барои боз ҳам муттаҳид гардидани мардумони тоҷику рус ва муносибатҳои дӯстона дар ҳамаи соҳаҳо заминаи устувор мегузорад”.

Дар охир ҳунармандони Федератсияи Русия дар театри мусиқӣ-мазҳакавии ба номи Атто Муҳаммадҷонови шаҳри Қӯрғонтеппа бо барномаи консертии худ хотири ҳозиринро болида гардониданд.