Бо ташаббуси Донишкадаи давлатии фарҳанг ва санъати Тоҷикистон ба номи Мирзо Турсунзода дар ҳамбастагӣ бо Донишкадаи давлатии умумирусиягии киномотография ба номи С.А. Герасимов12 марти соли равон маросими ифтитоҳии расмии рӯзҳои ВКИГ дар Ҷумҳурии Тоҷикистон оғоз гардид.

Бояд қайд намуд, ки бори нахуст фестивали байналмилалии филмҳои кӯтоҳмуддати донишҷуён таҳти унвони “Қатра” бо иштироки ректори ДДФСТ ба номи М.Турсунзода Хайриддин Идиев, роҳбари Донишкадаи умумирусиягии киномотография ба номи С.А. Герасимов Малчов Владимр, директори Муассисаи тоҷикфилм Носир Раҳмонов доир гардид.

Қабл аз ифтитоҳи чорабинӣ, дар саҳни бинои ДДФСТ ба номи М. Турсунзода пазироии меҳмонон дар сатҳи баланд доир гардида, меҳмононро бо карнайю сурнай ва расму русуми тоҷикӣ пешвоз гирифтанд.