ФАРҲАНГ
Ҷумъа 25 Апрел 2025 05:15
Дар замони ҷаҳонишавӣ ва зуҳури дигаргуниҳои куллӣ дар вазъи сиёсиву амниятӣ ва иҷтимоиву иқтисодии ҷаҳон доштани сарзамини амну ором ва соҳибистиқлол худ баёнгари саодат ва сарбаландии миллати мутамаддин ва соҳибфарҳанги тоҷик дар ҷаҳони муосир ба шумор меравад. Дар шароити имрӯза кам кишварҳое ҳастанд, ки дорои сулҳу осоиш ва амнияти фикриву зеҳнӣ ва иҷтимоиву сиёсӣ бошанд.
Боиси хушнудист, ки соҳибистиқлолӣ ба мо имкон дод, то соҳаи сайёҳӣ рушд кунад ва ҳузури сайёҳони хориҷӣ дар кишвар бештар гардад. Имрӯз, ки Ҷумҳурии Тоҷикистон узви комилҳуқуқи Соз-мони умумиҷаҳонии сайёҳӣ мебошад, имкон фароҳам омадааст, ки кишвари мо минтақаҳои таърихиву фарҳангӣ, минтақаҳои дорои аҳамияти сайёҳиву кӯҳҳои баланду обҳои мусаффо ва сокинони меҳмоннавозу башардӯсташро ба ҷаҳониён шиносонад. Зимнан, соҳаи сайёҳӣ барои муаррифӣ намудани таърихи тӯлонӣ, фарҳанги гуногунранги миллӣ дар арсаи байналмилалӣ имкониятҳо фароҳам меорад.
Ҳунарҳои мардумӣ аз қадимулайём дар байни халқи мо инкишоф ёфта, оммавӣ гаштааст. Хушбахтона, имрӯз барои ҳунармандон аз тарафи Ҳукумати Ҷумҳурии Тоҷикистон имкониятҳои зиёде фароҳам оварда шудааст. Гузаронидани озмуну фестивалҳо ва намоиши беҳтарин намунаҳои ҳунармандӣ барои ҳунармандон имконият медиҳад, ки истеъдоди хешро муаррифӣ карда тавонанд.
Ҳамин буд, ки бо дарназардошти зарурати инкишофёбии инфрасохтори рушди сайёҳӣ, ҳунарҳои мардумӣ ва деҳот Президенти Ҷумҳурии Тоҷикистон муҳтарам Эмомалӣ Раҳмон солҳои 2019 – 2021 - ро “Солҳои рушди деҳот, сайёҳӣ ва ҳунарҳои мардумӣ” эълон намуданд. Чуноне ки Сарвари давлат зикр намудаанд, барои бунёд намудани инфрасохтори соҳаи сайёҳӣ ва омода намудани даҳҳо ва садҳо ҳазор ҳунармандони соҳибкасб ва дорои ҳунарҳои мардумӣ як сол кифоя нест. Ба ҳамин хотир барои рушди инфрасохтори соҳаи сайёҳӣ дар ҳамаи минтақаҳои кишвар бояд тадбирҳои зарурию иловагӣ андешида шаванд.
Воқеан, амалӣ намудани таъкидҳои Пешвои миллат муҳтарам Эмомалӣ Раҳмон дар ҳамаи самтҳои хоҷагии халқ, хусусан сайёҳӣ ва ҳунарҳои мардумӣ метавонад, ба рушди бештари соҳаҳо, боло бурдани сатҳи зиндагии аҳолӣ ва муаррифии хубу бештари кишварамон дар арсаи байналхалқӣ мусоидат кунад. Маҳз ҳамин роҳнамоиҳо ва таваҷҷуҳи рӯзафзуни Сарвари давлат боис гардид, ки филиали Муассисаи давлатии “Маркази таълими калонсолони Тоҷикистон” дар ноҳияи Шамсиддин Шоҳин зери роҳбарии Мирзозода Музафар як қатор лоиҳаву барномаҳоро ба уҳда гирифта, дар 7 ҷамоати ноҳия, аз ҷумла ҷамоатҳои Ёл, Лангар, Саричашма, Доғистон, Чагам ва дар маркази ноҳия курсҳои кутоҳмуддати чакандӯзӣ, гулдӯзӣ, бофандагӣ, қуроқдӯзӣ ва ғайраро ташкил намудааст. Мақсад аз ташкили курсҳои мазкур пеш аз ҳама татбиқи сиёсати пешгирифтаи Ҳукумати кишвар дар самти рушди сайёҳӣ ва ҳунарҳои мардумӣ ва ба ин восита паст кардани сатҳи камбизоатии аҳолӣ ва эҳё кардани ҳунарҳои мардумӣ арзёбӣ мегардад.
Дар курсҳои кутоҳмуддат 20 - нафарӣ барои омӯзиши касбу ҳунарҳои гуногун аз 18 марти солӣ равон ҷалб гардиданд, ки дар умум 140 нафарро дар бар мегиранд. Курсҳо аз ҷониби Вазорати меҳнат, муҳоҷират ва шуғли аҳолӣ маблағгузорӣ шуда, ба ҳар як касбомӯз ба маблағи 120 сомонӣ идрорпулӣ дода шуд. Дар баробари ин дарсгирандагон бо маводҳои таълимӣ муҷаҳҳаз карда мешаванд. Айни ҳол дар МД “Маркази таълими калонсолони Тоҷикистон” дар ноҳияи Шамсиддин Шоҳин ба сокинон 10 ихтисос, аз ҷумла дӯзандагӣ, кафшергарӣ, занбурпарварӣ, боғпарварӣ, барқчӣ, чакандӯзӣ, асосҳои омӯзиши компютер ва муҳосибӣ омӯзонида мешавад.
Ба таъкиди Мирзозода Музафар, роҳбари филиали Муассисаи давлатии “Маркази таълими калонсолони Тоҷикистон” дар ноҳияи Шамсиддин Шоҳин “Президенти Ҷумҳурии Тоҷикистон муҳтарам Эмомалӣ Раҳмон барои рушди соҳаҳои мухталифи ҳаёти ҷомеа ҳамарӯза кӯшиш ба харҷ медиҳанд. Дар баробари барқарор намудани сулҳу ваҳдати миллӣ халқи тоҷик бо раҳнамоии сарвари оқилу хирадманд ва дурандеши худ тавонист, дар тӯли 30 соли Истиқлоли давлатӣ ба рушди бемайлон ва натиҷаҳои назарраси иқтисодиву иҷтимоӣ ноил гардад. Иқдоми муҳимми Президенти кишвар, ки дар Паёми соли 2017 ба Маҷлиси Олӣ аз 22 декабри соли 2017 баён намуданд, “Соли сайёҳӣ ва ҳунарҳои мардумӣ” эълон намудани соли 2018 мебошад. Ин ташаббус солҳои минбаъда низ идома ёфта, дар Паёми навбатии худ солҳои 2019 – 2021 - ро Сарвари давлат “Солҳои рушди деҳот, сайёҳӣ ва ҳунарҳои мардумӣ” эълон доштанд ва дар ин замина чорабиниҳои мушаххас гузаронида шуда истодаанд. Дар ин радиф мо – кормандони филиали Муассисаи давлатии “Маркази таълими калонсолони Тоҷикистон” мехоҳем саҳми худро дар ин иқдоми созанда гузорем. Мо имрӯз курсҳои омӯзиширо ба роҳ мондем. Бо боварии калон метавон гуфт, ки натиҷаи ин курсҳо ҳам дар рушди ҳунарҳои мардумӣ дар кишвар, хусусан миёни деҳоти ноҳияи Шамсиддин Шоҳин мусоидат мекунад”.
Дар воқеъ, ҳамин гуна таваҷҷуҳ ба соҳаи ҳунармандист, ки ҳунарҳои мардумӣ аз нав эҳё гардиданд ва ҳунармандон ҳавасманд шуданд.
Фарҳод ИБРОҲИМОВ, “ҶТ”
Боиси хушнудист, ки соҳибистиқлолӣ ба мо имкон дод, то соҳаи сайёҳӣ рушд кунад ва ҳузури сайёҳони хориҷӣ дар кишвар бештар гардад. Имрӯз, ки Ҷумҳурии Тоҷикистон узви комилҳуқуқи Соз-мони умумиҷаҳонии сайёҳӣ мебошад, имкон фароҳам омадааст, ки кишвари мо минтақаҳои таърихиву фарҳангӣ, минтақаҳои дорои аҳамияти сайёҳиву кӯҳҳои баланду обҳои мусаффо ва сокинони меҳмоннавозу башардӯсташро ба ҷаҳониён шиносонад. Зимнан, соҳаи сайёҳӣ барои муаррифӣ намудани таърихи тӯлонӣ, фарҳанги гуногунранги миллӣ дар арсаи байналмилалӣ имкониятҳо фароҳам меорад.
Ҳунарҳои мардумӣ аз қадимулайём дар байни халқи мо инкишоф ёфта, оммавӣ гаштааст. Хушбахтона, имрӯз барои ҳунармандон аз тарафи Ҳукумати Ҷумҳурии Тоҷикистон имкониятҳои зиёде фароҳам оварда шудааст. Гузаронидани озмуну фестивалҳо ва намоиши беҳтарин намунаҳои ҳунармандӣ барои ҳунармандон имконият медиҳад, ки истеъдоди хешро муаррифӣ карда тавонанд.
Ҳамин буд, ки бо дарназардошти зарурати инкишофёбии инфрасохтори рушди сайёҳӣ, ҳунарҳои мардумӣ ва деҳот Президенти Ҷумҳурии Тоҷикистон муҳтарам Эмомалӣ Раҳмон солҳои 2019 – 2021 - ро “Солҳои рушди деҳот, сайёҳӣ ва ҳунарҳои мардумӣ” эълон намуданд. Чуноне ки Сарвари давлат зикр намудаанд, барои бунёд намудани инфрасохтори соҳаи сайёҳӣ ва омода намудани даҳҳо ва садҳо ҳазор ҳунармандони соҳибкасб ва дорои ҳунарҳои мардумӣ як сол кифоя нест. Ба ҳамин хотир барои рушди инфрасохтори соҳаи сайёҳӣ дар ҳамаи минтақаҳои кишвар бояд тадбирҳои зарурию иловагӣ андешида шаванд.
Воқеан, амалӣ намудани таъкидҳои Пешвои миллат муҳтарам Эмомалӣ Раҳмон дар ҳамаи самтҳои хоҷагии халқ, хусусан сайёҳӣ ва ҳунарҳои мардумӣ метавонад, ба рушди бештари соҳаҳо, боло бурдани сатҳи зиндагии аҳолӣ ва муаррифии хубу бештари кишварамон дар арсаи байналхалқӣ мусоидат кунад. Маҳз ҳамин роҳнамоиҳо ва таваҷҷуҳи рӯзафзуни Сарвари давлат боис гардид, ки филиали Муассисаи давлатии “Маркази таълими калонсолони Тоҷикистон” дар ноҳияи Шамсиддин Шоҳин зери роҳбарии Мирзозода Музафар як қатор лоиҳаву барномаҳоро ба уҳда гирифта, дар 7 ҷамоати ноҳия, аз ҷумла ҷамоатҳои Ёл, Лангар, Саричашма, Доғистон, Чагам ва дар маркази ноҳия курсҳои кутоҳмуддати чакандӯзӣ, гулдӯзӣ, бофандагӣ, қуроқдӯзӣ ва ғайраро ташкил намудааст. Мақсад аз ташкили курсҳои мазкур пеш аз ҳама татбиқи сиёсати пешгирифтаи Ҳукумати кишвар дар самти рушди сайёҳӣ ва ҳунарҳои мардумӣ ва ба ин восита паст кардани сатҳи камбизоатии аҳолӣ ва эҳё кардани ҳунарҳои мардумӣ арзёбӣ мегардад.
Дар курсҳои кутоҳмуддат 20 - нафарӣ барои омӯзиши касбу ҳунарҳои гуногун аз 18 марти солӣ равон ҷалб гардиданд, ки дар умум 140 нафарро дар бар мегиранд. Курсҳо аз ҷониби Вазорати меҳнат, муҳоҷират ва шуғли аҳолӣ маблағгузорӣ шуда, ба ҳар як касбомӯз ба маблағи 120 сомонӣ идрорпулӣ дода шуд. Дар баробари ин дарсгирандагон бо маводҳои таълимӣ муҷаҳҳаз карда мешаванд. Айни ҳол дар МД “Маркази таълими калонсолони Тоҷикистон” дар ноҳияи Шамсиддин Шоҳин ба сокинон 10 ихтисос, аз ҷумла дӯзандагӣ, кафшергарӣ, занбурпарварӣ, боғпарварӣ, барқчӣ, чакандӯзӣ, асосҳои омӯзиши компютер ва муҳосибӣ омӯзонида мешавад.
Ба таъкиди Мирзозода Музафар, роҳбари филиали Муассисаи давлатии “Маркази таълими калонсолони Тоҷикистон” дар ноҳияи Шамсиддин Шоҳин “Президенти Ҷумҳурии Тоҷикистон муҳтарам Эмомалӣ Раҳмон барои рушди соҳаҳои мухталифи ҳаёти ҷомеа ҳамарӯза кӯшиш ба харҷ медиҳанд. Дар баробари барқарор намудани сулҳу ваҳдати миллӣ халқи тоҷик бо раҳнамоии сарвари оқилу хирадманд ва дурандеши худ тавонист, дар тӯли 30 соли Истиқлоли давлатӣ ба рушди бемайлон ва натиҷаҳои назарраси иқтисодиву иҷтимоӣ ноил гардад. Иқдоми муҳимми Президенти кишвар, ки дар Паёми соли 2017 ба Маҷлиси Олӣ аз 22 декабри соли 2017 баён намуданд, “Соли сайёҳӣ ва ҳунарҳои мардумӣ” эълон намудани соли 2018 мебошад. Ин ташаббус солҳои минбаъда низ идома ёфта, дар Паёми навбатии худ солҳои 2019 – 2021 - ро Сарвари давлат “Солҳои рушди деҳот, сайёҳӣ ва ҳунарҳои мардумӣ” эълон доштанд ва дар ин замина чорабиниҳои мушаххас гузаронида шуда истодаанд. Дар ин радиф мо – кормандони филиали Муассисаи давлатии “Маркази таълими калонсолони Тоҷикистон” мехоҳем саҳми худро дар ин иқдоми созанда гузорем. Мо имрӯз курсҳои омӯзиширо ба роҳ мондем. Бо боварии калон метавон гуфт, ки натиҷаи ин курсҳо ҳам дар рушди ҳунарҳои мардумӣ дар кишвар, хусусан миёни деҳоти ноҳияи Шамсиддин Шоҳин мусоидат мекунад”.
Дар воқеъ, ҳамин гуна таваҷҷуҳ ба соҳаи ҳунармандист, ки ҳунарҳои мардумӣ аз нав эҳё гардиданд ва ҳунармандон ҳавасманд шуданд.
Фарҳод ИБРОҲИМОВ, “ҶТ”
Хабарҳои дигар
Рӯзнома
Эзоҳи худро нависед