ФАРҲАНГ
Душанбе 18 Декабр 2017 07:50
2021
Сабти филми нави Муассисаи давлатии “Суғдсинамо” дар шаҳри Панҷакенти вилояти Суғд ба итмом расид.

Дилошуб Орифзода - продюссери филмҳои “Суғдсинамо” гуфт: “Сабти филми “Тангно”, ки панҷумин филми муассисаи “Суғдсинамо” аст, дар Ҷамоати деҳоти Амондараи шаҳри Панҷакент ба итмом расида, чанд саҳнаи сабти филм дар Федератсияи Русия боқӣ мондааст, ки моҳҳои январ-феврали соли оянда ба навор гирифта мешавад”.

Филми мазкур дар жанри мелодрамма сабт гардида, дар он Муҳаммадшариф Раҳматуллоев ва модари ӯ - шоира ва рӯзноманигор Сурайё Ҳакимова нақши асосиро бозидаанд. Ҳамчунин ҳунармандон Бунёд Комилов, Сӯҳроб Ҷанҷолов, Истад Мамаҷонова, Раҷабгул Қосимова ва Аҳлиддин Шарифов дар филм нақш офаридаанд.

Ёдовар мешавем, ки Муассисаи давлатии “Суғдсинамо” дар вилояти Суғд соли 2015 бо ташаббуси як гурӯҳ ҷавонони эҷодкор ва бо дастгирии Мақомоти иҷроияи маҳаллии ҳокимияти давлатии вилояти Суғд таъсис ёфт. Аз замони таъсис то ин дам киностудия филмҳои “Паймон”, “Коса”, “Духтари Сайҳун” ва “12 соли интизорӣ”-ро пешкаши тамошобин намуд. Филми кӯтоҳҳаҷми “Коса”-и киностудия моҳи сентябри соли ҷорӣ дар 12-умин Фестивали байналмилалии филмҳои мусалмонӣ дар шаҳри Қазони Федератсияи Русия иштирок намуда, барои ширкат дар аввалин Фестивали байналмилалии ОСА IF 2016 (Open Central Asia) се роҳхат ба даст овард ва дар ин фестивал, ки дар шаҳри Лондони Британияи Кабир, Рими Итолиё ва шаҳри Даккаи Бангладеш багузор шуд, иштирок намуда, сазовори ҷоиза гардид.

Эзоҳи худро нависед



Рамзҳо дар расм

соли ҷавононн

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Декабр 2017 c.