ФАРҲАНГ
Душанбе 29 Ноябр 2021 08:38
773
Имрӯз дар муассисаи таҳсилоти миёнаи умумии рақами 44-и ноҳияи Исомили Сомонии пойтахт Фестевали ҷумҳуриявии ҳафтаи китоби кӯдакону наврасон, ҳамзамон чорабинӣ бахшида ба 70-солагии Шоири халқии Тоҷикистон Аскар Ҳаким таҳти унвони “Шоир - забони миллат ва адолат”  баргузор гардид. 

Мукарама Абдуллоева, ҷонишини директор оид ба таълим, меҳмононро хайрамақдам гуфта, аз навиштаҳои Аскар Ҳаким ёдовар шуд. Иброз дошт, ки то имрӯз  маҷмӯаҳои зиёди шеърҳои шоир, аз қабили «Раҳнавард» (1983), «Тарозуи Офтоб» (1987), «Рӯзи умед» (1990), «Рубоиёт» (1992), «Баргпайванд» (1993), «Шаҳри меҳолуд» (1993), «Баргузидаи ашъори Аскар Ҳаким» (Теҳрон, 1995), «Ашъори мунтахаб»( 2012) ва ғайра дастраси хонандагон гардидааст, ки ҳар кадоме инъикосгари мавзӯи алоҳида мебошанд. Дар аксар навиштаҳои шоир васфи иқш, Ватану ватанпарастӣ мушоҳида мешавад. 



Номбурда афзуд, ки шеъри Аскар Ҳаким бидуни шак аз шеърҳои қобили таваҷҷуҳ дар шеъри муосири Тоҷикистон  аст. Дар миёни шоирони муосири тоҷик шеъри ӯ аз лиҳози забонӣ ва корбурди вазну қофия солимтарин шеър мебошад. Бо нигоҳ ба шеърҳои ӯ метавон дарёфт, ки беш аз ҳар шоири дигари тоҷик ӯ бо шеъри муосири форсӣ -дарӣ дар соири ҳавзаи форсизабонон унс ва ошноии бештар доштааст. 

- Ман аз ин мулоқот бо шумо - хонандагони азиз хеле шод гаштам, чунки дар чеҳраи якояки шумо хонандаи дӯстдоштаи худро мебинам, - бо хушҳолӣ гуфт Аскар Ҳаким. 
  
Сипас, нависанда Маҷид Салим, шоир Дилафрӯз Қурбонӣ ва дигарон сухан намуда, нисбат ба шеър ва мавқеи Аскар Ҳаким дар адабиёт ибрози андеша карданд.

Дар охир хонандагони фаъоли мактаб аз ашъори эҷодкардаи шоирони шинохта шеъру суруд хонда, ба иштирокчиён руҳияи хушҳолӣ бахшиданд. 

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Ноябр 2021 c.