ФАРҲАНГ
Якшанбе 11 Апрел 2021 08:43
7865
Бахшида ба Рӯзи модар дар толори Донишгоҳи давлатии ҳуқуқ, бизнес ва сиёсати Тоҷикистон озмуни вилоятии “Суруди модар-алла” бо ҷалби беш аз 300 нафар ҷавонон баргузор гардид.

Дар оғози чорабинӣ сардори Раёсати кор бо ҷавонон ва варзиши вилояти Суғд Каримзода Мирзоқосим суханронӣ намуда, ҳамагонро ба муносибати Рӯзи модарон ва баргузор гардидани озмуни мазкур табрик намуд.
Дар чорабинӣ 3 нафар аъзои ҳакамон аз бахши кор бо ҷавонони Раёсат, аз шуъбаи кор бо занон ва оилаи шаҳри Хуҷанд ва аз Коллеҷи санъати шаҳри Хуҷанд иштирок намуданд. Зимни озмун ҷавондухтарони касбу кори гуногуни шаҳру ноҳияҳои вилоят, муассисаҳои таҳсилоти олӣ ва миёнаи касбии вилоят, ки дар даври ниҳоии озмун ғолиб омода буданд, фаъолона ширкат варзида, ҳунару истеъдоди худро намоиш доданд.

Ҳамзамон бо мақсади болидахотирии иштирокчиёну меҳмонон аз ҷониби сарояндагони ҷавони вилоят сурудҳои беҳтарин дар васфи модар пешкаш карда шуд.

Дар натиҷаи холгузории ҳайати ҳакамон Мунираи Бобоҷон аз Коллеҷи омӯзгории шаҳри Хуҷанд сазовори ҷойи якум, Холматова Саида аз Донишгоҳи давлатии ҳуқуқ, бизнес ва сиёсат сазовори ҷойи дуюм ва Ёсумани Рустам аз ноҳияи Мастчоҳ сазовори ҷойи сеюм гардиданд.

Дар фарҷом ғолибон ва иштирокчиёни фаъол бо туҳфаҳои хотиравӣ ва сипоснома қадрдонӣ шуданд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.