Давоми шашмоҳаи аввали соли равон филми тасвирии "Алифбо", ду филми кутоҳ  "Захм" ва "Сарнавишт", ду филми бадеии пурраметра "Се хоҳарон" коргардон Муҳаммадрабӣ Исмоил ва "Ҳақиқат" коргардон Манзаралӣ Шералӣ, инчунин чор филми мустанад рӯи кор омадааст.

Дар ин бора Маҳмадсаид Шоҳиён, директори Муассисаи давлатии "Тоҷикфилм" 3 август зимни нишасти матбуотӣ иттилоъ дод.

Бино ба иттилои номбурда филми тасвирии таҳиягардида “Алифбо” барои кӯдакони синни мактабӣ манфиати бештар дорад.