ФАРҲАНГ
Панҷшанбе 30 Май 2024 03:25
8037
Нимаи дуюми рӯзи 24 май дар радиои Ватан дар идомаи таҷлил аз ҷашни 80-солагии шоири маҳбубу зиндаёди кишвар Лоиқ Шералӣ бо иштироки рӯзноманигорони ҳафтаномаву радиоҳои мамлакат ва Ҳунарпешаи халқии Тоҷикистон Афзалшоҳ Шодиев, ки бештари сурудҳояшро эҷодиёти Лоиқ дар бар мегирад, нишаст баргузор гардид.

Мавзӯи суҳбатро бештар ҳаёту фаъолият ва эҷодиёти ин шоири забардаст фаро гирифта, рӯзноманигорон саволҳои хешро доир ба шиносоиву ҳамкориҳои ҳунарманд Афзалшоҳ Шодиев бо шоир Лоиқ Шералӣ пешниҳод намуданд. Дар ҷавоб Афзалшоҳ Шодиев зикр намуд, ки воқеан устод Лоиқ Шералӣ яке аз шоирони бузурги миллати тоҷик ба шумор рафта, шеърҳои ӯ созандаву дилнишинанд. Ва ҳар ҳунармандро водор мекунад, то аз эҷодиёти пурмуҳтавои ӯ истифода барад.

Бояд зикр намуд, ки тантанаҳои ҷашнӣ ба ифтихори 80 – солагии Лоиқ Шералӣ дар тамоми гӯшаву канори мамлакат идома дошта, то ин замон дар шаҳрҳои Душанбе, Хуҷанд ва Панҷакент аз солрӯзи ин шоири номвар бо шукӯҳ истиқбол карда шуд.

Ёдовар мешавем, ки ҳунарманд Афзалшоҳ Шодиев низ як қатор консертҳои худро ба ифтихори зодрӯзи Лоиқ дар шаҳру ноҳияҳои кишвар ба нақша гирифтааст. 3 июн нахустконсерташро дар Филармонияи давлатии Ҷумҳурии Тоҷикистон ба номи Акашариф Ҷӯраев баргузор хоҳад кард.

И. АМАКҶОНОВ,“ҶТ”

Эзоҳи худро нависед



Рамзҳо дар расм