20 октябр дар Боғи фарҳангию фароғатии ба номи Абулқосим Фирдавсии шаҳри Душанбе Иди Меҳргон таҷлил карда мешавад.

Дар ин хусус Вазорати кишоварзии ҷумҳурӣ иттилоъ медиҳад.

Бино ба иттилои манбаъ дар доираи он Фестивал-намоиши маҳсулот ва техникаи кишоварзӣ Фестивали занбӯрпарварон, намоиш ва фурӯши асал, иди себ ва ангур, намоиш ва фурӯши шолӣ ва биринҷ доир мегардад.

Таъкид мегардад, ки чорабинии мазкур бо ташаббуси Вазорати кишоварзии Ҷумҳурии Тоҷикистон ва дар якҷоягӣ бо вазорату идораҳо ва мақомоти иҷроияи ҳокимияти давлатии вилоятҳо, шаҳри Душанбе ва шаҳру ноҳияҳои тобеи ҷумҳурӣ гузаронида мешавад.

Зимнан иштироки кишоварзони мамлакат аз тамоми гӯшаву канори кишвар дар назар аст.

Гулафшон КАРИМОВА, “ҶТ”