Соли 2022 нақшаи андозҳо бо назардошти андози иҷтимоии ғайрибуҷетӣ дар вилояти Хатлон ба қадри 2 миллиарду 54,8 миллион сомонӣ ё 103% иҷро гардидааст. Дар ин бора маркази матбуоти вилоят бо истинод ба Раёсати рушди иқтисод ва савдои вилояти Хатлон иттилоъ медиҳад.

Бино ба иттилои манбаъ, аз ҷумла нақшаи андозҳо баробари 1 миллиарду 711,7 миллион сомонӣ (103,7%) ва андози иҷтимоии ғайрибуҷетӣ 308 миллион сомонӣ (100%) таъмин гашта, бақияи қарзи андозҳо ба 1 январи соли 2023 дар қиёс ба аввали соли гузашта 14,6 миллион сомонӣ коҳиш дода шудааст.

- Дар ин давра 87,5 фоизи маблағҳои буҷетӣ ба соҳаҳои иҷтимоӣ равона гардиданд. Ҳамчунин, талаботи маблағи нафақапулиҳо, ки 1 миллиарду 57,2 миллион сомониро ташкил медиҳад, бо пуррагӣ пардохт карда шудааст.

Гуфта мешавад, ки соли гузашта 56 ҳазору 693 ҷойи нави корӣ таъсис дода шуда, ҳисоби миёнаи музди меҳнат ба 1289,2 сомонӣ баробар гардидааст.