Дар шашмоҳаи аввали соли равон дар кишвар 82 лоиҳаи сармоягузории давлатӣ амалӣ шудааст, ки маблағи умумии онҳо 49,1 млрд. сомонӣ баробар ба 4,50 млрд. долларро ташкил медиҳад.

Дар ин бора Қодирзода Саъдӣ раиси Кумитаи давлатии сармоягузорӣ ва идораи амволи давлатӣ 10 август зимни нишасти хабарӣ иттилоъ дод.

Номбурда ҳамчунин афзуд, ки дар ин давра дар доираи лоиҳаҳои амалкунанда 3 млрд. 260 миллион сомонӣ ё 298,7 миллион доллар аз худ карда шудааст. Ин адад дар маҷмуъ ба 106 фоизи нақшаи молиявии ин давра баробар аст.

Барои амалисозии лоиҳаҳои сармоягузории давлатӣ дар соҳаҳои афзалиятноки мамлакат бо шарикони рушд созишномаҳои нав ба маблағи зиёда аз 2,3 миллиард сомонӣ ё 208,6 миллион доллар ба имзо расонида шуд, ки 99 фоизи онро маблағҳои грантӣ ташкил медиҳад,- афзуд ӯ.

Сайёраи ҚИЁМИДДИН, “ҶТ”