Дар нимсолаи аввали соли ҷорӣ аз ҷониби Палатаи ҳисоби Ҷумҳурии Тоҷикистон дар самти масъалаҳои баҳодиҳӣ ба иҷрои буҷети давлатӣ дар 13 сохтори вазорату кумита ва ташкилоту муассисаҳои давлатӣ 25 чорабинии аудиторӣ гузаронида шуд.

Дар ин хусус Мавлонзода Валимат, сардори Раëсати стандартҳо,таҳлил, рушд ва робитаҳои байналмилалии Палатаи ҳисоб 11 август зимни нишасти матбуотӣ иттилоъ дод.

Таъкид карда шуд, ки зимни ин санҷишҳо қоидавайронкуниҳои молиявӣ ба маблағи 16,8 млн. сомонӣ муайян гардид, ки аз он 8,4 млн. сомонӣ барқарор карда шуд.

Дар идома зикр гардид, ки тибқи қоидаҳои муқарраршуда, аз натиҷаи чорабиниҳои аудитории Палатаи ҳисоб 31 мавод ба маблағи 51,2 млн. сомонӣ барои чораҷӯӣ ва қабули қарорҳои дахлдор ба мақомоти ҳифзи ҳуқуқ ирсол гардид.

Р. ОДИНАЕВ, Г. КАРИМОВА, “ҶТ”