ИҚТИСОД
Шанбе 21 Сентябр 2019 09:04
1217
Дар нимсолаи аввали соли равон ҳаҷми боркашонии транзитӣ тариқи қатора 470 ҳазор тоннаро ташкил дод, ки назар ба ҳамин давраи соли 2015 23 ҳазор тонна ё 4,7 фоиз кам аст. Боркашонии дохилӣ бошад, ба 2 миллиону 472 ҳазор тонна расид, ки нисбат ба соли гузашта 106 ҳазор тонна зиёд мебошад.

Усмон Қаландаров, муовини роҳбари КВД “Роҳи оҳани Тоҷикистон”, 26 июл дар нишасти матбуотӣ зикр кард, ки содироти молҳои хоҷагии халқ тариқи роҳи оҳан 304,8 ҳазор тоннаро ташкил дод. Аз ҷумла содироти маҳсулоти кишоварзӣ ба 88 ҳазору 387 танна расид, ки нисбат ба ҳамин давраи соли гузашта 38 ҳазору 55 тонна кам аст. Воридоти маҳсулот 1 миллиону 865 ҳазор тоннаро ташкил дод, ки нисбат ба соли 2015 48 ҳазор тонна кам мебошад.

Ҳаҷми боркашонӣ тариқи роҳи оҳан ба ҷумҳурӣ 2 миллиону 942 ҳазор тоннаро ташил дод, ки нисбат ба ҳамин давраи соли 2015 83 ҳазор тонна ё 2,9 фоиз бештар мебошад.

Дар нимсолаи соли равон “Роҳи оҳан” ба 209 ҳазор мусофир хизмат расонд, ки нисбат ба соли гузашта 12,3 ҳазор мусофир зиёд мебошад.

У. Қаландаров иброз дошт, ки бо мақсади зиёд намудани ҳаҷми боракашониву мусофирбарӣ дар давоми сол аз тарафи КВД “Роҳи оҳан” сабукиҳо пешниҳод шуданд. Ба тоҷирону соҳибкорону кишоварзони ватанӣ барои кашонидани маҳсулоти зудвайроншавандаи кишоварзӣ аз 20 то 50 фоиз, барои кашонидани алюминий 50 фоиз ва қуми кварсӣ 20 фоиз сабукӣ пешниҳод шуд.

Дар асоси шартномаи байни маъмуриятҳои роҳҳои оҳани Тоҷикистону Қазоқистону Руссия ба мусофироне, ки пешакӣ чипта мехаранд, ба ҳисоби миёна чунин сабукӣ дода мешавад: аз 31 то 45 рӯз - 40 фоиз, аз 21 то 30 рӯз - 30-35 фоиз ва аз 5 то 20 рӯз - 31 фоиз.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.