Дар соли 2023 сармояи Корхонаи воҳиди давлатии бонки амонатгузории Ҷумҳурии Тоҷикистон “Амонатбонк” 860 млн. сомонӣ афзоиш ёфтааст, ки дар муқоиса ба соли 2022 19,3% зиёд мебошад.

Дар ин бора имрӯз - 9-уми феврал Алиҷон Салимзода, раиси КВД БА ҶТ “Амонатбонк” хабар дод.

Инчунин, Алиҷон Салимзода қайд кард, ки соли 2023 дороиҳои бонк 7,6 млрд. сомонӣ ва ухдадориҳояш бошад, 6,7 млрд. сомониро ташкил додааст, ки нисбат ба соли 2022 мутаносибан 19,6% зиёд мебошад.

Бояд гуфт, ки тибқи қарори Раёсати Бонки миллии Тоҷикистон аз 16 январи соли 2024, №12, “Амонатбонк” яке аз ташкилотҳои қарзии низомсоз эътироф карда шуда, мавқеи аввалро ишғол намудааст.

Гуфтан ба маврид аст, ки бо Қарори Ҳукумати Ҷумҳурии Тоҷикистон аз 1 марти соли 2023, №44 БДА ҶТ "Амонатбонк" ба КВД БА ҶТ “Амонатбонк” ивази ном намуд ва Оинномаи бонк хамчун корхонаи воҳиди давлатӣ тасдиқ гардид.

Яҳё МАҲМАДНАБИЕВ, “ҶТ”