Дар шаш моҳи аввали соли 2024 масъулини Агентии хоҷагии ҷангали назди Ҳукумати Ҷумҳурии Тоҷикистон нисбати 780 шаҳрванди кишвар, ки талаботи қонунгузории соҳаи ҷангал ва шикорро риоя накардаанд, санадҳои ҳуқуқвайронкунии маъмурӣ тартиб додаанд.

Дар ин хусус имрӯз - 25 июл Абдуҷаббор Юсуфзода, директори Агентии хоҷагии ҷангали назди Ҳукумати Ҷумҳурии Тоҷикистон зимни нишасти хабарӣ иттилоъ дод.

Ба гуфтаи ӯ маблағи зарари муайяншуда 2 миллиону 412,5 ҳазор сомониро ташкил карда, аз ин маблағи 287,4 ҳазор сомонӣ барқарор карда шудааст.

- Аз миқдори умумии қонунвайронкуниҳои ошкоргардида 381 адад ба маблағи 506,9 ҳазор сомонӣ ба буриши ғайриқонунӣ, 247 адад ба маблағи 299,3 ҳазор сомонӣ ба чорвочаронии худсарона, 84 адад ба маблағи 39,8 ҳазор ба ҷамъоварии худсаронав гиёҳҳои хурданибобу шифобахш, 33 адад ба маблағи 42,4 ҳазор сомонӣ ба шикори беиҷозат, 7 адад ба маблағ 1 миллиону 535,4 ҳазор сомонӣ риоя накардани қоидаҳои бехатарӣ аз сӯхтор дар ҷангал ва 28 адад ба маблағи 23 ҳазор сомонӣ ба дигар намуди қонунвайронкуниҳои ҷангал рост меояд,- гуфт номбурда.