Дар нимсолаи аввали соли 2026 ҳаҷми хизматрасонии пулакӣ дар ҷумҳурӣ, ки дар ҳамаи соҳаҳои хизматгузор расонида шудааст 15 млрд 845,6 миллион сомониро ташкил дод, ки нисбат ба ҳамин давраи соли гузашта 10,6% зиёд мебошад.

Дар ин хусус имрӯз - 20 июл, Ҷамшед Нурмаҳмадзода, директори Агентии омори назди Президенти Ҷумҳурии Тоҷикистон зимни нишасти хабарӣ иттилоъ дод.

Нурмаҳмадзода ҳамчунин гуфт, ки дар ин давра нархи молҳои ғайриозуқаворӣ – 1,7 фоиз афзоиш ёфтааст, ки ин аз ҳисоби нархи сузишворӣ ва равғанҳои молиданӣ мебошад. Ба иттилои ӯ дар қиёс ба шашмоҳаи аввали соли 2025 равғанҳои молиданӣ 22,2%, гази моеъ 34,8%, сӯзишвории дизелӣ (солярка) 20,6% ва бензин 10% қимат шудааст.

Индекси нархҳои истеъмолӣ 99,9 фоиз аз он ҷумла молҳои озуқаворӣ – 99,7 фоиз, молҳои ғайри озуқаворӣ – 100,2 фоизро ташкил медиҳад.

Шаҳноза АЗИМОВА, “ҶТ”