Дар шаш моҳи аввали соли равон талабот барои маблағгузории нафақа баробар ба 1 млрд 852,7 млн сомонӣ буда, маблағгузории он дар ин ҳаҷм таъмин гардид, ки айни замон дар ҷумҳурӣ қарздории пардохти нафақа вуҷуд надорад.

Дар ин хусус имрӯз - 31 июл Дилмурод Давлатзода, директори Агентии суғуртаи иҷтимоӣ ва нафақаи назди Ҳукумати ҶумҳурииТоҷикистон зимни нишасти хабарӣ иттилоъ дод.

Ӯ ҳамчунин зикр намуд, ки дар нимсолаи аввали соли равон қисми даромади буҷети суғуртаи иҷтимоӣ ва нафақа ба андозаи 2 млрд. 171,5 млн. сомонӣ пешбинӣ гардида, иҷроиши он 102,5% таъмин шуд.

Ҳамзамон гуфта шуд, ки ин фоизҳо мувофиқи маълумотҳои Кумитаи андози назди Ҳукумати Ҷумҳурии Тоҷикистон буда, ба буҷети Агентӣ 2 млрд. 226,6 млн. сомонӣ ворид гардид, ки нисбати нақшаи пешбинигардида 55 млн сомонӣ зиёд мебошад.

Гулафшон КАРИМОВА, “ҶТ”