Бо мақсади беҳбудии зиндагии шаҳрвандон Амонатбонк фоизҳои ба аҳолӣ пардохтшударо кам намудааст. Дар ин бора Сироҷҷидин Икромӣ, директори Бонки давлатии амонатгузории Ҷумҳурии Тоҷикистон Амонатбонк зимни нишасти матбуотӣ ба рӯзноманигор иттилоъ дод.

Гуфта шуд, ки фоизҳои пешниҳодшуда аз 139,6 % -и соли 2016 ба 78,4 % дар соли 2020 расонида шуданд. Ҳамчунин, соли 2020 Амонатбонк дар самти қарздиҳӣ фаъолияташро хуб ба роҳ монда, зиёда аз 1млрд 30 млн сомонӣ қарзро ба аҳолии кишвар пешниҳод гардонидааст, ки ин нишондод нисбат ба ҳамин давраи соли гузашта 52,5% зиёд мебошад.

Бо дарназардошти ин тағйирот дар бонк меъёри фоизи солонаи қарзҳо бо пули миллӣ аз 18 то 24 фоизи солона ва бо асъори хориҷӣ аз 10 то 12 фоизи солонаро ташкил медиҳад.

Ҳамчунин зикр гардид, ки аз соли 2019 инҷониб бонк иқдоми ба ҷойҳои сераҳолӣ ва ба сайёҳон дастрас кӯчонидани марказҳои хизматрасонии бонкиро амалӣ намудааст. То имрӯз 199 адад ё 35,2 фоиз марказҳои хизматрасонии бонкӣ, ки 24 адади он ба соли 2020 рост меояд, ба шафати роҳҳои байналмилалӣ, дохили маркази савдо, бозорҳо ва чорроҳаҳо кӯчонида шудаанд.