Кумитаи хоҷагии манзилию коммуналии назди Ҳукумати Ҷумҳурии Тоҷикистон дар шашмоҳаи аввали соли 2025 бо маблағи 13 млн 806 ҳазор сомонӣ корҳои сохтмониро ба анҷом расонидааст.

Дар ин хусус имрӯз - 29 июл Ҷамшед Табарзода, раиси Кумита зимни нишасти хабарӣ иттилоъ дод.

Ӯ зикр гардид, ки ин маблағ барои таҷдиду барқарорсозии 37 иншооти оби нӯшокӣ, канализатсия ва хоҷагии манзилию коммуналии шаҳру ноҳияҳо ва деҳоти мамлакат, ки аз ҳисоби маблағҳои муттамаркази буҷети ҷумҳуриявӣ маблағгузорӣ карда мешаванд, иҷро шудааст.

Гуфта шуд, ки ин шумора нисбат ба ҳамин давраи соли 2024 дар ҳаҷми 5 млн 57 ҳазор сомонӣ зиёд буда, суръати афзоиши он 63 фоизро ташкил медиҳад.

Таъкид гардид аз ин маблағ 8 млн 310 ҳазор сомонӣ ба шаҳру ноҳияҳо ва деҳоти вилояти Хатлон, 2 млн. 593 ҳазор сомонӣ ба вилояти Суғд, 1 млн. 216 ҳазор ба ВМКБ ва 1 млн 687 ҳазор барои корҳои сохтмонӣ, барқарорсозӣ ва лоиҳакашӣ ба шаҳру ноҳияҳои тобеи ҷумҳурӣ ҷудо гардида, корҳои ба нақшагирифташуда ба анҷом расонида шуд.

Ҳамчунин қайд гардид, ки дар шаш моҳи аввали соли ҷорӣ корхонаҳои тобеи Кумита ба суратҳисоби мақомоти андози шаҳру ноҳияҳои ҷумҳурӣ аз рӯи ҳама намуди андозҳо 29 млн 940 ҳазор сомонӣ ворид намудаанд.

Гулафшон КАРИМОВА, “ҶТ”