Бо ибтикори Кумитаи ҷавонон, варзиш ва сайёҳӣба истиқболи Рӯзи модар мулоқоти намояндагони “Клуби соҳибкорони ҷавон” бо бонувони волонтёр бо роҳбарии Дилноза Аҳмадзода доир гардид.

СулаймонҚурбонов, роҳбари“Клуби соҳибкорони ҷавон”зимни ифтитоҳи мулоқот чунин иброз дошт:  “Фаъолияти соҳибкорӣ яке аз қисмҳои зарурии иқтисодиёт дар замони ҳозира мебошад. Зеро қисмҳои асосии фаъолияти соҳибкориро бизнеси хурд ва миёна ташкил медиҳад. Сохҳибкори муосир бояд ки дар доираи фаъолияти интихобкардааш босавод бошад, ба тағйиротҳои шароитӣ чора бинад, мақсади ба пеш гузоштаашро иҷро карда тавонад, ба нобарори тобовар бошад, аз рӯйи нокомию хатогиҳои худ сабақ омӯхта, хулосаҳои зарури бароварда тавонад”.

Сипас, Дилноза Аҳмадзода, сардори раёсати ҷавонони Кумитаи ҷавонон, варзиш ва сайёҳӣ иброз дошт, ки тавассути сиёсати хирадмандонаи муҳтарам Эмомалӣ Раҳмон теъдоди шумораи занони соҳибкор афзудааст. “Занони соҳибкори Тоҷикистон, бонувони тоҷик барои комёб шудан дар соҳибкорӣ ангезаи қавитар доранд ва солҳои охир дар тиҷорати калон низ ба истилоҳ лидер-занҳо ба чашм мерасанд.

Чунин пешравӣ то андозае ба осонтар шудани  фазои соҳибкорӣ ва рушди ин арса дар кишвар бастагӣ дорад. “Мақсад аз мулоқоти имрӯза ҳам афзун бахшидани теъдоди занони соҳибкор, махсусан ҷавондухтарон мебошад. Бонувон метавонанд эҳёи ҳунарҳои миллӣ, аз қабили дузандагӣ, бофандагӣ, зардӯзӣ, гулдузӣ ва ғайраро хуб омӯхта, дӯкони махсуси худро ташкил диҳанд ва ба ин васила соҳибкори ботаҷриба шаванд”, -афзуд Д. Аҳмадзода.