Шумораи аъзои Палатаи савдо ва саноати ҷумҳурӣ дар соли равон 61 адад зиёд гардида, ба 948 адад расидааст. Ин нуктаро Ҷамшед Ҷумъахонзода раиси ин ниҳод 8 август зимни нишасти хабарӣ баён дошт.

Бо зикри ин нуқта номбурда ҳамчунин таъкид дошт, ки дар ин давра бо мақсади ба аъзогии Палата ҷалб намудани корхонаю ташкилотҳо ва соҳибкорон ба суроғаи онҳо 669 адад маводҳои иттилоотӣ ва пешниҳодҳои тиҷоратӣ фиристода шудааст. Ин нишондод низ нисбат ба соли гузашта 348 адад зиёд мебошад.

Ҷамшед Ҷумъахонзода ҳамчунин афзуд, ки тарофаҳои аъзогӣ барои шахсони воқеӣ ва соҳибкорони хурд кам шуда, барои баъзе гурӯҳҳои соҳибкорон аъзогӣ ройгон карда шудааст.